മാസങ്ങളായുള്ള കാത്തിരിപ്പുകൾക്ക് വിരാമമിട്ടുകൊണ്ട് ഒറ്റപ്പാലം താലൂക്ക് ആശുപത്രിയിൽ സായാഹ്ന ഒപി വിഭാഗം വീണ്ടും പ്രവർത്തനമാരംഭിച്ചു. ഉച്ചയ്ക്ക് ശേഷമുള്ള സമയങ്ങളിൽ ചികിത്സ തേടിയെത്തുന്ന രോഗികൾ അനുഭവിച്ചിരുന്ന കടുത്ത പ്രതിസന്ധിക്കാണ് ഇതോടെ ആശ്വാസമാകുന്നത്.
സായാഹ്ന ഒപി നിലച്ചതിനെ തുടർന്ന് അത്യാഹിത വിഭാഗത്തിൽ അനുഭവപ്പെട്ടിരുന്ന അനിയന്ത്രിതമായ തിരക്ക് ലഘൂകരിക്കാൻ പുതിയ തീരുമാനം വഴി സാധിക്കും. ഉച്ചകഴിഞ്ഞുള്ള സമയങ്ങളിൽ ആശുപത്രിയിലെത്തുന്ന സാധാരണക്കാരായ രോഗികൾ വിദഗ്ദ്ധ ചികിത്സ ലഭിക്കാതെ മടങ്ങേണ്ടി വരുന്ന അവസ്ഥയും ഇതോടെ ഒഴിവായി.
വൈകുന്നേരങ്ങളിലും ഡോക്ടർമാരുടെ സേവനം ഉറപ്പാക്കാൻ കഴിഞ്ഞത് ഒറ്റപ്പാലത്തെയും പരിസര പ്രദേശങ്ങളിലെയും നൂറുകണക്കിന് രോഗികൾക്ക് വലിയ പ്രയോജനമാണ് നൽകുന്നത്. ജനപ്രതിനിധികളുടെയും പ്രദേശവാസികളുടെയും നിരന്തര ഇടപെടലുകളെ തുടർന്നാണ് മാസങ്ങൾക്ക് ശേഷം സായാഹ്ന ഒപി പുനഃസ്ഥാപിക്കാൻ ആരോഗ്യവകുപ്പ് നടപടി സ്വീകരിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
