അയോധ്യയിലെ രാമക്ഷേത്ര സംഭാവനകളുമായി ബന്ധപ്പെട്ട് നടന്ന സാമ്പത്തിക തട്ടിപ്പിൽ നിർണ്ണായക വിവരങ്ങൾ പുറത്ത്. ക്ഷേത്രത്തിൽ നിന്ന് പിരിച്ചെടുത്ത പണം ഉപയോഗിച്ച് മുഖ്യപ്രതിയായ അവിനാഷ് ശുക്ല വാഹനം വാങ്ങിയതായി അന്വേഷണ സംഘം സ്ഥിരീകരിച്ചു.
സംഭവവുമായി ബന്ധപ്പെട്ട അന്വേഷണ ഉദ്യോഗസ്ഥർ വ്യക്തമാക്കുന്നത് പ്രകാരം, മോഷ്ടിച്ച തുക ഉപയോഗിച്ച് വാങ്ങിയ മാരുതി ബ്രെസ്സ എന്ന വാഹനം നിയമനടപടികളിൽ നിന്ന് രക്ഷപ്പെടാനും ഉടമസ്ഥാവകാശം മറച്ചുവെക്കാനുമായി അവിനാഷ് ശുക്ലയുടെ സഹോദരൻ അഭിഷേകിന്റെ പേരിലാണ് രജിസ്റ്റർ ചെയ്തിരുന്നത്.
തട്ടിപ്പ് നടത്തിയ പണം ഉപയോഗിച്ചാണ് ഈ ആഡംബര വാഹനം സ്വന്തമാക്കിയത് എന്ന് തെളിവുകൾ സഹിതം ഉദ്യോഗസ്ഥർ വ്യക്തമാക്കി. പ്രതികൾ ദിവസേന 6 മുതൽ 7 ലക്ഷം രൂപ വരെ ഇത്തരത്തിൽ തട്ടിയെടുത്തിരുന്നതായാണ് പ്രാഥമിക അന്വേഷണത്തിൽ കണ്ടെത്തിയിരിക്കുന്നത്.
സംഭവത്തിൽ കൂടുതൽ പേർക്ക് പങ്കുണ്ടോ എന്നതിനെക്കുറിച്ച് പോലീസ് വിശദമായ പരിശോധനകൾ നടത്തിവരികയാണ്. പ്രതികളുടെ സാമ്പത്തിക ഇടപാടുകളെ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
