അബുദാബി കേന്ദ്രമാക്കി പ്രവർത്തിക്കുന്ന യുഎഇയുടെ എണ്ണ, കണ്ടൻസേറ്റ് കയറ്റുമതിയിൽ വൻ വർധനവ് രേഖപ്പെടുത്തി. ഒപെക് (OPEC) അംഗത്വം ഉപേക്ഷിച്ചതിന് ശേഷമുള്ള കണക്കുകൾ പ്രകാരം, കഴിഞ്ഞ ജൂൺ മാസത്തിൽ പ്രതിദിനം 37 ലക്ഷം ബാരൽ എന്ന റെക്കോർഡ് അളവിലാണ് കയറ്റുമതി നടന്നത്.
ആഗോളതലത്തിൽ നിലനിൽക്കുന്ന സംഘർഷങ്ങൾക്കും യുദ്ധസാഹചര്യങ്ങൾക്കും മുൻപുള്ള കണക്കുകളെക്കാൾ വളരെ ഉയർന്നതാണിത്. 2020 ഏപ്രിലിൽ രേഖപ്പെടുത്തിയ പ്രതിദിനം 34.4 ലക്ഷം ബാരൽ എന്ന പഴയ റെക്കോർഡ് നേട്ടത്തെയാണ് യുഎഇ ഇത്തവണ പിന്നിലാക്കിയത്.
ഒപെക് ഏർപ്പെടുത്തിയിരുന്ന ക്വോട്ട നിയന്ത്രണങ്ങളിൽ നിന്ന് പുറത്തുകടക്കാൻ സാധിച്ചതാണ് വിഭവങ്ങളുടെ മൂല്യം പരമാവധി ഉയർത്താൻ രാജ്യത്തെ സഹായിച്ചതെന്ന് വിലയിരുത്തപ്പെടുന്നു.
ഹോർമുസ് കടലിടുക്കിലെ സുരക്ഷാ ഭീഷണികൾക്കിടയിലും അഡ്നോക് (ADNOC) പ്രത്യേക ടാങ്കർ സർവീസുകൾ വഴി യാതൊരു തടസ്സവുമില്ലാതെ കയറ്റുമതി നടപടികൾ പൂർത്തിയാക്കാൻ സാധിച്ചു. നിലവിൽ ഏഷ്യൻ വിപണികൾക്ക് പുറമേ ആഫ്രിക്ക, യുഎസ്, യൂറോപ്പ് തുടങ്ങിയ മേഖലകളിലേക്കും കയറ്റുമതി വ്യാപിപ്പിച്ചിട്ടുണ്ട്.
ഉൽപാദനം വർധിപ്പിച്ചതും നേരത്തെ സൂക്ഷിച്ചിരുന്ന എണ്ണ ശേഖരം വിപണിയിലേക്ക് എത്തിച്ചതുമാണ് കയറ്റുമതിയിലെ കുതിച്ചുചാട്ടത്തിന് വഴിയൊരുക്കിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
