ഉത്തൃട്ടാതി ജലോത്സവത്തിലെ പെരുമയും ചരിത്രവും പേറി ഇടപ്പാവൂർ പള്ളിയോടം

പമ്പയാറിന്റെ തീരത്തു സ്ഥിതിചെയ്യുന്ന പ്രമുഖ പള്ളിയോട കരകളിലൊന്നാണ് ഇടപ്പാവൂർ.

ഉത്തൃട്ടാതി ജലോത്സവത്തിന്റെ ചരിത്രത്തിലെ ആദ്യമത്സരത്തിൽ ബി ബാച്ചിൽ ഒന്നാമതെത്തിയ പള്ളിയോടമെന്ന ചരിത്രനേട്ടം ഇടപ്പാവൂരിന് സ്വന്തമാണ്. വെള്ളമുണ്ടും വെള്ളത്തോർത്ത് തലക്കെട്ടും വേഷമാക്കിയാണ് ഈ പള്ളിയോടം മത്സരങ്ങളിൽ സജീവമായത്.

പിന്നീട് ഈ വേഷവിധാനം മറ്റു പള്ളിയോടങ്ങളുടെയും ഔദ്യോഗിക വേഷമായി മാറുകയായിരുന്നു. കരയിലെ അംഗങ്ങൾ ഇടപ്പാവൂരമ്മയെയും പേരൂർ മഹാദേവനെയും ദർശിച്ച് അനുഗ്രഹം വാങ്ങിയശേഷമാണ് പള്ളിയോടത്തിൽ കയറുന്നത്.

ഇടപ്പാവൂർ പള്ളിയോട സംരക്ഷണ സമിതിക്കാണ് ഇതിന്റെ ഉടമസ്ഥാവകാശം.

ആദ്യകാല പള്ളിയോടത്തിലെ തുഴയും അടനയമ്പും ഇന്നും കരക്കാർ അതീവ ശ്രദ്ധയോടെ സംരക്ഷിച്ചുപോരുന്നുണ്ട്. 1947ൽ കുട്ടനാട് പുളിങ്കുന്നിൽനിന്നു വാങ്ങിയ പള്ളിയോടമാണ് 2006 വരെ കരക്കാർ ഉപയോഗിച്ചിരുന്നത്.

തുടർന്ന് 2007ൽ നിർമിച്ച പുതിയ പള്ളിയോടമാണ് നിലവിൽ ജലോത്സവങ്ങളിൽ പങ്കെടുക്കുന്നത്. പ്രശസ്തനായ അയിരൂർ ചെല്ലപ്പനാചാരി മുഖ്യശിൽപിയായി നിർമിച്ച ആദ്യ പള്ളിയോടം കൂടിയാണിത്.

1972ൽ ആറന്മുളയിൽ നടന്ന ആദ്യ മത്സര വള്ളംകളിയിൽ ഈ പള്ളിയോടം ഒന്നാം സ്ഥാനം കരസ്ഥമാക്കിയിരുന്നു. കൂടാതെ 1984, 2009, 2022 വർഷങ്ങളിൽ prestigious ആയ മന്നം ട്രോഫി നേടാനും ഇടപ്പാവൂരിന് സാധിച്ചു.

1975, 1983, 2010, 2011, 2012, 2023 വർഷങ്ങളിൽ രണ്ടാം സ്ഥാനവും, 1973, 1978, 1991, 2007, 2017, 2024 വർഷങ്ങളിൽ മൂന്നാം സ്ഥാനവും ഈ പള്ളിയോടം സ്വന്തമാക്കിയിട്ടുണ്ട്. വി.കെ.ഗോപകുമാർ വില്ലോത്ത്, ജോഷ് കുമാർ എന്നിവരാണ് പള്ളിയോട

പ്രതിനിധികൾ. ജിഷ്ണു ആർ.നായർ ആണ് ക്യാപ്റ്റൻ.