കര്ണാടകയുടെ മുന് മുഖ്യമന്ത്രി സിദ്ധരാമയ്യയെ കോണ്ഗ്രസ് പ്രവര്ത്തക സമിതി (CWC) അംഗമായി ഹൈക്കമാന്ഡ് നിയമിച്ചു. സംസ്ഥാനത്ത് പുതിയ സര്ക്കാര് അധികാരമേല്ക്കുന്നതിന് തൊട്ടുമുമ്പുള്ള നിര്ണായക നീക്കമായാണ് ഈ നിയമനത്തെ രാഷ്ട്രീയ നിരീക്ഷകര് വിലയിരുത്തുന്നത്.
നേരത്തെ അദ്ദേഹത്തിന് രാജ്യസഭാംഗത്വം നല്കുന്നതുമായി ബന്ധപ്പെട്ട ചര്ച്ചകള് നടന്നെങ്കിലും, ആ പദവി സ്വീകരിക്കാന് അദ്ദേഹം സന്നദ്ധനായിരുന്നില്ല.
ഇതിനിടെ, കര്ണാടകയിലെ മന്ത്രിസഭാ രൂപീകരണവുമായി ബന്ധപ്പെട്ട അന്തിമ ചര്ച്ചകള് പൂര്ത്തിയായി.
മുഖ്യമന്ത്രിയടക്കം പത്ത് മന്ത്രിമാര് നാളെ സത്യപ്രതിജ്ഞ ചെയ്ത് അധികാരമേല്ക്കും. പുതിയ മന്ത്രിസഭയിലേക്കുള്ള അംഗങ്ങളുടെ പട്ടികയില് പ്രിയങ്ക് ഖാര്ഗെ, എംബി പാട്ടീല്, കൃഷ്ണ ബൈരേ ഗൗഡ തുടങ്ങിയവരുടെ പേരുകള് ഇടംപിടിച്ചിട്ടുണ്ട്.
അതേസമയം, ഉപമുഖ്യമന്ത്രി പദവി, കെപിസിസി പ്രസിഡന്റ് സ്ഥാനം എന്നിവ സംബന്ധിച്ച അന്തിമ തീരുമാനങ്ങളിലേക്ക് പാര്ട്ടി നേതൃത്വം ഇനിയും എത്തിച്ചേര്ന്നിട്ടില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
