**കൊല്ലം:** അഞ്ചുവർഷമായി വേട്ടയാടിയ വൃക്കരോഗത്തിൽ നിന്ന് ശസ്ത്രക്രിയയിലൂടെ മോചിതനായെങ്കിലും, തുടർചികിത്സയ്ക്കുള്ള വൻതുക കണ്ടെത്താനാവാതെ വലയുകയാണ് ഒരു യുവാവ്. കൊല്ലം പട്ടാഴി തെക്കേത്തേരി വിനേഷ് ഭവനിൽ എസ്.
വിനേഷ് കുമാർ (34) ആണ് സുമനസ്സുകളുടെ കനിവ് തേടുന്നത്. കഴിഞ്ഞ മാർച്ച് 5-ന് തിരുവനന്തപുരം മെഡിക്കൽ കോളജിലാണ് വിനേഷിന്റെ വൃക്ക മാറ്റിവയ്ക്കൽ ശസ്ത്രക്രിയ വിജയകരമായി പൂർത്തിയാക്കിയത്.
ബിരുദ പഠനത്തിന് ശേഷം മികച്ചൊരു ജോലിക്കായി ശ്രമിക്കുന്നതിനിടെയാണ് വിനേഷിനെ രോഗം തളർത്തിയത്. നിലവിൽ അമ്മ വത്സലാമ്മയുടെ സംരക്ഷണയിലാണ് വിനേഷ് കഴിയുന്നത്.
കലയപുരത്തെ കശുവണ്ടി ഫാക്ടറിയിൽ താത്കാലിക ജീവനക്കാരിയായിരുന്ന വത്സലാമ്മയ്ക്ക്, മകന്റെ ശുശ്രൂഷയ്ക്കായി ജോലിക്ക് പോകാൻ കഴിയാത്ത സാഹചര്യമാണുള്ളത്. വായ്പയെടുത്ത് നിർമ്മിച്ച വീട് പണയപ്പെടുത്തിയാണ് ശസ്ത്രക്രിയയ്ക്കുള്ള പണം കണ്ടെത്തിയത്.
നിലവിൽ ഭീമമായ തുടർചികിത്സാ ചെലവുകൾ താങ്ങാൻ ഈ നിർധന കുടുംബത്തിന് ശേഷിയില്ല. വിനേഷിനെ സഹായിക്കാൻ താല്പര്യമുള്ളവർക്കായി എസ്.ബി.ഐ പട്ടാഴി ശാഖയിൽ അക്കൗണ്ട് ആരംഭിച്ചിട്ടുണ്ട്.
വിനേഷിന്റെ പേരിലുള്ള യുപിഐ (UPI) ഐഡി വഴിയും സഹായങ്ങൾ കൈമാറാവുന്നതാണ്. **സഹായം നൽകേണ്ട
വിലാസം:**
അക്കൗണ്ട് ഉടമ: വിനേഷ് കുമാർ എസ്. (S.
Vinesh Kumar)
ബാങ്ക്: എസ്.ബി.ഐ പട്ടാഴി (SBI Pattazhi)
ഫോൺ (UPI): 7012461804
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
