വണ്ടിപ്പെരിയാർ ∙ സംസ്കാരച്ചടങ്ങിനായി കുഴിയെടുക്കുന്നതിനിടെ തൊട്ടടുത്ത കല്ലറയുടെ കോൺക്രീറ്റ് സ്ലാബ് ഇടിഞ്ഞുവീണ് ഒരാൾ മരിച്ചു. വണ്ടിപ്പെരിയാർ മൂങ്കലാർ സ്വദേശി കറുപ്പസ്വാമി (50) ആണു മരിച്ചത്.
ഇന്നലെ രാവിലെ 9ന് ആണു സംഭവം. കഴിഞ്ഞ ദിവസം കുഴഞ്ഞുവീണു മരിച്ച മൂങ്കിലാർ സ്വദേശി പൊന്നുസ്വാമിയുടെ സംസ്കാരച്ചടങ്ങിനു കുഴി എടുക്കുന്നതിനിടെയാണ് അപകടം.
മൂങ്കിലാർ പൊതുശ്മശാനത്തിലെ കല്ലറയുടെ കോൺക്രീറ്റ് സ്ലാബ് കറുപ്പസ്വാമിയുടെ ദേഹത്തേക്ക് ഇളകി വീഴുകയായിരുന്നു. നാട്ടുകാർ ദേഹത്തുനിന്നു സ്ലാബ് നീക്കം ചെയ്തെങ്കിലും രക്ഷിക്കാനായില്ല.
സംസ്കാരം പിന്നീട്. ഭാര്യ: അന്തോണിയമ്മ.
മക്കൾ: അരവിന്ദ്, ഐശ്വര്യ അഭി. പൊന്നുസ്വാമിയുടെ സംസ്കാരം നടത്തി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
