പഴേരി – മുതലക്കോടം റോഡ് തകർന്നു; ഇതുവഴി എങ്ങനെ യാത്ര ചെയ്യും?

പുതുച്ചിറ ∙ പഴേരി – മുതലക്കോടം റോഡ് തകർന്നു ഗതാഗത യോഗ്യമല്ലാതായിട്ട് നാളുകൾ പിന്നിട്ടിട്ടും അധികൃതർ നടപടി സ്വീകരിക്കുന്നില്ലെന്ന് ആരോപണം. തൊടുപുഴ മുനിസിപ്പൽ പരിധിയിലൂടെ കടന്നുപോകുന്നതും കുമാരമംഗലം പഞ്ചായത്തിന്റെ അതിർത്തി പങ്കിടുന്നതുമായ ഈ റോഡിലൂടെ ദിനംപ്രതി നൂറുകണക്കിന് വാഹനങ്ങളും ആളുകളും സഞ്ചരിക്കുന്നുണ്ട്. 

മുതലക്കോടം സെന്റ് ജോർജ് ഫൊറോനാ പള്ളി, പഴേരി മുസ്‌ലിം പള്ളി എന്നിവിടങ്ങളിലേക്കും ആയിരക്കണക്കിന് വിദ്യാർഥികൾ പഠിക്കുന്ന അൽ അസ്ഹർ ഗ്രൂപ്പിന്റെ വിവിധ വിദ്യാഭ്യാസ സ്ഥാപനങ്ങളിലേക്കുമുള്ള എളുപ്പ വഴികൂടിയാണിത്. റോഡിന്റെ പുനർ നിർമാണ പ്രവർത്തനങ്ങൾ വേഗത്തിൽ പൂർത്തിയാക്കി ഗതാഗതയോഗ്യമാക്കണമെന്നാണ് നാട്ടുകാരുടെ ആവശ്യം.