സംസ്ഥാനത്ത് മയക്കുമരുന്ന് മാഫിയയുടെ സ്വാധീനം വർധിച്ചുവരുന്ന സാഹചര്യത്തിലാണ് ലഹരിക്കെതിരെ ഓപ്പറേഷൻ തൂഫാൻ എന്ന പേരിൽ വിപുലമായ നടപടികൾ ആരംഭിച്ചതെന്ന് ആഭ്യന്തര മന്ത്രി രമേശ് ചെന്നിത്തല വ്യക്തമാക്കി. പാലാ ചാവറ പബ്ലിക് സ്കൂൾ ഓഡിറ്റോറിയത്തിൽ നടന്ന ലഹരി വിരുദ്ധ സദസ് ഉദ്ഘാടനം ചെയ്യുകയായിരുന്നു അദ്ദേഹം.
ഓപ്പറേഷൻ തൂഫാൻ – ദ നാർകോ ഹണ്ട് എന്ന ദൗത്യത്തിന് തുടക്കം കുറിച്ചിട്ട് ബുധനാഴ്ച 50 ദിവസം പൂർത്തിയാവുകയാണ്. കര, കടൽ, വ്യോമ മാർഗ്ഗങ്ങളിലൂടെ കേരളത്തിലേക്ക് ലഹരി വസ്തുക്കൾ കടത്തുന്ന സംഘങ്ങളെ കണ്ടെത്തി വേരറുക്കുന്നതിനായി കർശനമായ നടപടികളാണ് സർക്കാർ സ്വീകരിച്ചുവരുന്നത്.
പദ്ധതിയുടെ ഭാഗമായി ഇതുവരെ 6500-ലധികം കേസുകൾ രജിസ്റ്റർ ചെയ്യുകയും 7600-ൽ അധികം പേരെ പിടികൂടുകയും ചെയ്തിട്ടുണ്ട്. ഇതിനുപുറമെ, ലഹരിക്ക് അടിമകളായ നിരവധി പേരെ ശാസ്ത്രീയമായ ചികിത്സാ സംവിധാനങ്ങളിലേക്ക് മാറ്റാൻ സാധിച്ചുവെന്നും അദ്ദേഹം കൂട്ടിച്ചേർത്തു.
ചടങ്ങിൽ ആഭ്യന്തര മന്ത്രി ഓപ്പറേഷൻ തൂഫാൻ പതാക ഉയർത്തി. ജലവിഭവ-ഭവന നിർമാണ വകുപ്പ് മന്ത്രി മോൻസ് ജോസഫ് ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.
ലഹരിക്കെതിരായ സർക്കാരിന്റെ ഈ ഇടപെടൽ ജനങ്ങൾ വലിയ പ്രതീക്ഷയോടെയാണ് കാണുന്നതെന്ന് അദ്ദേഹം അഭിപ്രായപ്പെട്ടു. മാണി സി.
കാപ്പൻ എംഎൽഎ അധ്യക്ഷത വഹിച്ച ചടങ്ങിൽ വിവിധ രാഷ്ട്രീയ-സാമൂഹിക മേഖലകളിലെ പ്രമുഖർ പങ്കെടുത്തു. നാട്ടകം സുരേഷ് എംഎൽഎ, ജില്ലാ പോലീസ് മേധാവി സാബു മാത്യു, ചാവറ സ്കൂൾ പ്രിൻസിപ്പൽ ഫാ.
സാബു കൂടപ്പാട്ട്, അഡ്വ. ഫിൽ സൺ മാത്യൂസ്, അഡ്വ.
ബിജു പുന്നത്താനം, ഫാ. പോൾസൺ ജോസഫ്, ഫാ.
ജോബി അലക്സ്, സിബി പുത്തേട്ട് എന്നിവർ സന്നിഹിതരായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
