കാസർകോട് ജില്ലയിലെ മഞ്ചേശ്വരം മിയാപദവ് ബട്ടിപദവിൽ പട്ടാപ്പകൽ വ്യാപാര സ്ഥാപനത്തിന് നേരെ അക്രമം. കട
ഉടമയായ ശുഹൈബ് മൊയ്ൻ ഷേഖിനെ തോക്കുചൂണ്ടി ഭീഷണിപ്പെടുത്തിയ സംഘം പ്രദേശത്ത് ഭീകരാന്തരീക്ഷം സൃഷ്ടിച്ച ശേഷം ആകാശത്തേക്ക് വെടിയുതിർക്കുകയായിരുന്നു. ചാരനിറത്തിലുള്ള കാറിലെത്തിയ സംഘമാണ് ഈ അതിക്രമം അഴിച്ചുവിട്ടത്.
നിരവധി ക്രിമിനൽ കേസുകളിൽ പ്രതികളായ മിയാപദവ് സ്വദേശി റഹീം, ഖാദർ മടക്കല്ല് എന്നിവരാണ് ഈ കൃത്യത്തിന് പിന്നിലെന്ന് പൊലീസ് ഔദ്യോഗികമായി സ്ഥിരീകരിച്ചിട്ടുണ്ട്. കുടുംബ പ്രശ്നങ്ങളുമായി ബന്ധപ്പെട്ട് ഏതാനും ദിവസങ്ങൾക്ക് മുൻപ് ശുഹൈബും മച്ചംപാടി സ്വദേശിയായ ഒരാളും തമ്മിൽ വാക്കുതർക്കങ്ങൾ ഉണ്ടായിരുന്നു.
ഈ തർക്കങ്ങളുടെ തുടർച്ചയായാണ് ഗുണ്ടാസംഘം സ്ഥലത്തെത്തി ഭീഷണി മുഴക്കുകയും തുടർന്ന് വെടിവയ്ക്കുകയും ചെയ്തതെന്നാണ് പൊലീസിന്റെ പ്രാഥമിക നിഗമനം. വെടിയുതിർത്ത ശേഷം അക്രമികൾ കാറിൽ തന്നെ സ്ഥലത്തുനിന്ന് രക്ഷപ്പെടുകയായിരുന്നു.
സംഭവത്തിൽ ശക്തമായ നടപടികൾ സ്വീകരിച്ചിട്ടുള്ള മഞ്ചേശ്വരം പൊലീസ് ഒളിവിൽ കഴിഞ്ഞിരിക്കുന്ന പ്രതികൾക്കായുള്ള അന്വേഷണം ഊർജ്ജിതമാക്കിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
