ചാംപ്യൻസ് ബോട്ട് ലീഗിന്റെ ഭാഗമായി സംഘടിപ്പിക്കുന്ന പിറവം വള്ളംകളിയിൽ മാറ്റുരയ്ക്കുന്നതിനുള്ള ചുണ്ടൻ വള്ളങ്ങൾ പിറവത്ത് എത്തിച്ചേർന്നു. ബോട്ട് ലീഗിന്റെ ഭാഗമായി കൊച്ചി മറൈൻ ഡ്രൈവിൽ നടന്ന മത്സരങ്ങളിൽ പങ്കെടുത്ത ഒമ്പത് ചുണ്ടൻ വള്ളങ്ങളാണ് ഇന്നലെ ഉച്ചയോടെ പിറവത്ത് എത്തിക്കരിപ്പിച്ചത്.
വൈക്കത്തു നിന്നും പുഴയിലൂടെ ബോട്ടുകളിൽ കെട്ടിവലിച്ചാണ് ഈ വള്ളങ്ങൾ എത്തിച്ചത്. ഇവ നിലവിൽ പാലത്തിനു സമീപവും എക്സൈസ് കടവിലുമായി സുരക്ഷിതമായി കെട്ടിയിട്ടിരിക്കുകയാണ്.
മത്സരങ്ങളുടെ മുന്നോടിയായുള്ള പരിശീലന തുഴച്ചിൽ വരുന്ന 14-ാം തീയതി മുതൽ ആരംഭിക്കും. തുടർന്ന് 17-ാം തീയതി വൈകിട്ട് 3 മണി മുതലാണ് പിറവം വള്ളംകളി ഔദ്യോഗികമായി ആരംഭിക്കുന്നത്.
പുഴയിലെ ശക്തമായ ഒഴുക്കിനെതിരെ തുഴയെറിഞ്ഞു മുന്നേറേണ്ടിവരുന്നു എന്നതാണ് പിറവം വള്ളംകളിയുടെ പ്രധാന പ്രത്യേകതയും ശ്രദ്ധേയമായ ഘട്ടവും. ചുണ്ടൻ വള്ളങ്ങളുടെ മത്സരങ്ങൾക്ക് പുറമേ, വിവിധ പ്രാദേശിക ക്ലബ്ബുകളുടെ നേതൃത്വത്തിൽ ഇരുട്ടുകുത്തി വള്ളങ്ങളുടെ മത്സരങ്ങളും ഇതിന്റെ ഭാഗമായി അരങ്ങേറും.
വള്ളംകളിയോടനുബന്ധിച്ച് വിവിധ കലാപരിപാടികളും സംഘടിപ്പിച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
