ഫ്ലാഗ്ഷിപ്പ് ഫോണുകളുടെ മാതൃകയിൽ മിതമായ വിലയിൽ വിപണിയിലെത്തുന്ന സാംസങ് ഫാൻ എഡിഷൻ (FE) നിരയിലെ പുതിയ സ്മാർട്ട്ഫോനാണ് സാംസങ് ഗാലക്സി എസ്26 എഫ്ഇ. മുൻകാല ഫാൻ എഡിഷൻ മോഡലുകളിൽ നിന്നും 50 ഡോളർ വർധിപ്പിച്ച് 700 ഡോളറിനാണ് പുതിയ ഫോൺ വിപണിയിൽ അവതരിപ്പിച്ചിരിക്കുന്നത്.
6.7 ഇഞ്ച് ഡിസ്പ്ലേ, പുതിയ എക്സിനോസ് 2500 പ്രൊസസർ, ഏഴ് വർഷത്തെ സോഫ്റ്റ്വെയർ അപ്ഡേറ്റുകൾ എന്നിവയാണ് ഫോണിന്റെ പ്രധാന സവിശേഷതകൾ. എന്നാൽ ചില പ്രധാന ഘടകങ്ങളിൽ വരുത്തിയ കുറവുകൾ ഉപയോക്താക്കളെ നിരാശപ്പെടുത്തുന്നതാണ്.
റാം പരിമിതിയും എഐ സവിശേഷതകളും
ഫോണിന്റെ എല്ലാ സ്റ്റോറേജ് വേരിയന്റുകളിലും 8GB റാം മാത്രമാണ് നൽകിയിരിക്കുന്നത്. ഗൂഗിളിന്റെ ജെമിനി ഇന്റലിജൻസ് സ്യൂട്ട് ലോക്കൽ പ്രോസസ്സിംഗിനായി പ്രവർത്തിക്കുന്ന ജെമിനി നാനോ v3 പതിപ്പിന് കുറഞ്ഞത് 12GB റാം ആവശ്യമാണെന്ന് ഗൂഗിൾ വ്യക്തമാക്കിയിട്ടുണ്ട്.
8GB റാം മാത്രമുള്ളതിനാൽ എസ്26 എഫ്ഇ ഫോണിൽ ഈ ഫീച്ചറുകൾ ലഭിക്കുന്നതിന് ക്ലൗഡ് അധിഷ്ഠിത ജെമിനി ആപ്പിനെ ആശ്രയിക്കേണ്ടി വരും. ബാറ്ററി ആയുസ്സിലെ കുറവ്
4,900mAh ബാറ്ററിയാണ് ഫോണിൽ നൽകിയിട്ടുള്ളത്.
എന്നാൽ യൂറോപ്യൻ പ്രൊഡക്റ്റ് രജിസ്ട്രി ഫോർ എനർജി ലേബലിംഗ് (EPREL) രേഖകൾ പ്രകാരം, മുൻ മോഡലായ ഗാലക്സി എസ്25 എഫ്ഇ 2,000 ഫുൾ ചാർജ് സൈക്കിളുകൾ നൽകിയിരുന്ന സ്ഥാനത്ത്, പുതിയ എസ്26 എഫ്ഇ-ക്ക് 1,200 സൈക്കിളുകൾ മാത്രമാണ് സർട്ടിഫിക്കേഷൻ ലഭിച്ചിരിക്കുന്നത്. അതായത് മുൻ മോഡലിനെ അപേക്ഷിച്ച് ബാറ്ററി ആയുസ്സിൽ 40 ശതമാനത്തിന്റെ കുറവാണ് ഉണ്ടായിരിക്കുന്നത്.
എങ്കിലും പുതിയ എക്സിനോസ് 2500 പ്രൊസസറിന്റെ പ്രവർത്തനക്ഷമത മൂലം ചാർജ് ചെയ്യുമ്പോൾ 50 മണിക്കൂർ വരെ ഉപയോഗം ലഭിക്കുമെന്നും കണക്കാക്കുന്നു. ഡിസ്പ്ലേയും ക്യാമറയും
6.7 ഇഞ്ച് സ്ക്രീനിൽ 1080×2340 റെസല്യൂഷനാണ് ഡിസ്പ്ലേയ്ക്കുള്ളത്.
വലിയ സ്ക്രീനിൽ ചെറിയ ടെക്സ്റ്റുകൾ വ്യക്തതയോടെ കാണാൻ ഇത് തടസ്സമായേക്കാം. ക്യാമറ വിഭാഗത്തിൽ 50MP പ്രധാന സെൻസറും, വെളിച്ചക്കുറവുള്ളപ്പോൾ ചിത്രങ്ങൾ പകർത്താൻ ബുദ്ധിമുട്ടുന്ന 8MP ടെലിഫോട്ടോ ലെൻസുമാണ് ഉൾപ്പെടുത്തിയിരിക്കുന്നത്.
യുഎൻബി വേഗതയും കണക്റ്റിവിറ്റിയും
മുൻ മോഡലിലെ യുഎസ്ബി 3.2 ജെൻ 1 പോർട്ടിന് പകരം യുഎസ്ബി 2.0 പോർട്ടാണ് എസ്26 എഫ്ഇയിൽ നൽകിയിരിക്കുന്നത്. ഇതുവഴി ഡാറ്റാ കൈമാറ്റ വേഗത 5Gbps ൽ നിന്ന് 480Mbps ആയി കുറഞ്ഞു.
കൂടാതെ വയേർഡ് ഡെക്സ് (DeX), മോണിറ്ററിലേക്കുള്ള വീഡിയോ ഔട്ട്പുട്ട് എന്നിവയ്ക്കുള്ള ഡിസ്പ്ലേപോർട്ട് ഔട്ട്പുട്ടും ഇതിൽ ലഭ്യമല്ല. വിപണിയിൽ ഗൂഗിൾ പിക്സൽ 10എ പോലുള്ള മറ്റ് ഫോണുകളുമായി താരതമ്യം ചെയ്യുമ്പോൾ വിലയുടെ കാര്യത്തിലും ചില പരിമിതികൾ ഈ ഫോണിനുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
