തിരുവനന്തപുരം നഗരത്തിൽ സുപ്രീം കോടതി ചീഫ് ജസ്റ്റിസ് സൂര്യകാന്തിനോട് രാജിവയ്ക്കാൻ ആവശ്യപ്പെട്ട് ഔദ്യോഗിക എക്സ് പേജിൽ വന്ന കുറിപ്പിനെച്ചൊറിഞ്ഞ് വലിയ വിവാദങ്ങളാണ് ഉടലെടുത്തിരിക്കുന്നത്. ക്രമസമാധാനപാലനം തന്റെ അധികാരപരിധിയിലുള്ള വിഷയമല്ലെന്ന ചീഫ് ജസ്റ്റിസിന്റെ പരാമർശത്തിന്റെ പശ്ചാത്തലത്തിലായിരുന്നു വിവാദമായ ഈ സമൂഹമാധ്യമ കുറിപ്പ് പങ്കുവെക്കപ്പെട്ടത്.
എന്നാൽ ഈ സംഭവത്തിൽ കർശന നടപടിയുമായി കോൺഗ്രസ് നേതൃത്വം രംഗത്തെത്തിയിട്ടുണ്ട്. കെപിസിസി നേതൃത്വത്തിന്റെ അറിവോ സമ്മതമോ കൂടിയാലോചനയോ ഇല്ലാതെ ഔദ്യോഗിക എക്സ് പേജിലൂടെ ചീഫ് ജസ്റ്റിസിനെതിരെ വിവേകശൂന്യമായി പോസ്റ്റിട്ട
വ്യക്തിയെ ചുമതലയിൽനിന്ന് നീക്കിയതായി കെപിസിസി പ്രസിഡന്റ് സണ്ണി ജോസഫ് ഔദ്യോഗികമായി അറിയിച്ചു. ഏതു സാഹചര്യത്തിലാണ് ഇത്തരമൊരു പോസ്റ്റ് വരാനുണ്ടായ സാഹചര്യം എന്ന് സമഗ്രമായി പരിശോധിക്കുമെന്നും അദ്ദേഹം വ്യക്തമാക്കി.
കോടതിയുടെ നിഷ്പക്ഷത സംബന്ധിച്ച് കോൺഗ്രസ് പാർട്ടിക്ക് യാതൊരുവിധ അഭിപ്രായവ്യത്യാസമില്ലെന്നും ഇതിനു വിരുദ്ധമായ അഭിപ്രായങ്ങൾ പ്രകടിപ്പിക്കുന്ന സമൂഹമാധ്യമ പോസ്റ്റുകൾ ഒരിക്കലും കെപിസിസി നേതൃത്വത്തിന്റെ നിലപാടല്ലെന്നും സണ്ണി ജോസഫ് കൂട്ടിച്ചേർത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
