വത്തിക്കാൻ: ശ്വാസകോശത്തിലെ മുഴ നീക്കം ചെയ്യുന്നതിനായി ലിയോ പതിനാലാമൻ മാർപ്പാപ്പയ്ക്ക് ശസ്ത്രക്രിയ നടത്തുമെന്ന് വത്തിക്കാൻ അധികൃതർ ഔദ്യോഗികമായി അറിയിച്ചു. വരും ദിവസങ്ങളിൽ റോമിലെ പ്രശസ്തമായ ഗെമെല്ലി ആശുപത്രിയിലായിരിക്കും ശസ്ത്രക്രിയ നടക്കുക.
കഴിഞ്ഞ ദിവസങ്ങളിൽ നടത്തിയ പതിവ് വൈദ്യപരിശോധനയിലാണ് മാർപ്പാപ്പയുടെ ശ്വാസകോശത്തിൽ ചെറിയൊരു മുഴ കണ്ടെത്തിയത്. എന്നാൽ ഇത് പ്രാരംഭ ഘട്ടത്തിൽ തന്നെ തിരിച്ചറിഞ്ഞതിനാൽ ഒരു പ്രത്യേക ഭാഗത്ത് മാത്രം ഒതുങ്ങിനിൽക്കുന്ന ഒന്നാണെന്നും, നിലവിൽ ആശങ്കപ്പെടേണ്ട
സാഹചര്യമില്ലെന്നുമാണ് ഡോക്ടർമാർ വ്യക്തമാക്കിയിട്ടുള്ളത്. ഞായറാഴ്ച വത്തിക്കാനിൽ നടന്ന പ്രാർത്ഥനയ്ക്ക് ശേഷമാണ് 71കാരനായ മാർപ്പാപ്പ തന്റെ രോഗവിവരം വിശ്വാസികളോട് പങ്കുവെച്ചത്.
തനിക്കായി പ്രാർത്ഥിക്കുന്ന എല്ലാവർക്കും നന്ദി അറിയിച്ച അദ്ദേഹം, വരും ദിവസങ്ങളിൽ നടക്കുന്ന ശസ്ത്രക്രിയ വിജയകരമാകുന്നതിനായി പ്രാർത്ഥനയിൽ പങ്കുചേരണമെന്ന് വിശ്വാസികളോട് അഭ്യർത്ഥിച്ചു. ഇറ്റാലിയൻ ഭാഷയിൽ നൽകിയ സന്ദേശത്തിലാണ് ഡോക്ടർമാരുടെ നിർദ്ദേശപ്രകാരം ശസ്ത്രക്രിയ നടത്താൻ തീരുമാനിച്ച വിവരം അദ്ദേഹം അറിയിച്ചത്.
ശസ്ത്രക്രിയയ്ക്ക് ശേഷം ഏകദേശം ഒരു ആഴ്ചത്തെ വിശ്രമവും തുടർചികിത്സയും ആവശ്യമായി വരുമെന്നാണ് കരുതുന്നത്. നിലവിൽ മറ്റ് ആരോഗ്യപ്രശ്നങ്ങളൊന്നുമില്ലാത്ത മാർപ്പാപ്പ വളരെ സജീവമായ ജീവിതരീതി പിന്തുടരുന്ന വ്യക്തിയാണ്.
ആഴ്ചതോറുമുള്ള ടെന്നീസ് കളിയും നീന്തലും അദ്ദേഹത്തിന്റെ ദിനചര്യകളുടെ ഭാഗമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
