റിസർവ് ബാങ്ക് സെൻട്രൽ ബോർഡിൽ പാർട്–ടൈം, നോൺ ഒഫിഷ്യൽ ഡയറക്ടറായി ഐഎസ്ആർഒ മുൻ ചെയർമാനും മലയാളിയുമായ എസ്.സോമനാഥിനെ കേന്ദ്ര സർക്കാർ ഔദ്യോഗികമായി നിയമിച്ചു. 4 വർഷത്തേക്കാണ് ഈ സുപ്രധാന നിയമനം.
ചരിത്രത്തിൽ ഏറെക്കാലത്തിനു ശേഷമാണ് ഒരു മലയാളി ആർബിഐയുടെ ഉന്നത സമിതിയിലേക്ക് എത്തുന്നത് എന്നത് ശ്രദ്ധേയമാണ്. ഇതിനുപുറമെ, 2022 മുതൽ ആർബിഐ ബോർഡിൽ നോൺ ഒഫിഷ്യൽ ഡയറക്ടറായ പ്രമുഖ വ്യവസായി ആനന്ദ് മഹീന്ദ്രയെയും വീണ്ടും നാല് വർഷത്തേക്ക് കൂടി ഈ സ്ഥാനത്തേക്ക് നിലനിർത്തിയിട്ടുണ്ട്.
രാജ്യത്തെ പരമോന്നത ബാങ്കിംഗ് സ്ഥാപനമായ റിസർവ് ബാങ്കിന്റെ മുഴുവൻ പ്രവർത്തനങ്ങളും നയങ്ങളും ഏകോപിപ്പിക്കുന്ന നിർണ്ണായക ചുമതലയാണ് സെൻട്രൽ ബോർഡിൽ നിക്ഷിപ്തമായിരിക്കുന്നത്. ആർബിഐ ഗവർണർക്കും നാല് ഡെപ്യൂട്ടി ഗവർണർമാർക്കും പുറമേ, രാജ്യത്തിന്റെ വിവിധ മേഖലകളിൽ നിന്നുള്ള പത്ത് ഡയറക്ടർമാരെ നിയമിക്കാൻ സർക്കാരിന് അധികാരമുണ്ട്.
കൂടാതെ, ധനകാര്യ മന്ത്രാലയത്തിൽ നിന്നുള്ള രണ്ട് സെക്രട്ടറിമാരും ഈ ബോർഡിൽ അംഗങ്ങളായി പ്രവർത്തിക്കും. ഇതിനു പുറമെ മുംബൈ, കൊൽക്കത്ത, ചെന്നൈ, ഡൽഹി എന്നീ പ്രധാന നഗരങ്ങളിലെ ലോക്കൽ ബോർഡുകളെ പ്രതിനിധീകരിച്ച് നാല് ഡയറക്ടർമാരും സെൻട്രൽ ബോർഡിൽ ഉണ്ടാകും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
