തിരുവല്ല കുറ്റൂർ ഗ്രാമത്തിൽ ജല അതോറിറ്റിയുടെ പൈപ്ലൈൻ പൊട്ടി ശുദ്ധജലം റോഡിലൂടെ പരന്നൊഴുകുന്നു. ജലജീവൻ പദ്ധതിയുടെ ഭാഗമായി സ്ഥാപിച്ച പൈപ്പുകളിലാണ് ചോർച്ചയുണ്ടായിരിക്കുന്നത്.
കുറ്റൂർ–തെങ്ങേലി റോഡിൽ തറേപ്പറമ്പിൽപ്പടി ഭാഗത്ത് കഴിഞ്ഞ ഒരു മാസമായി ഈ പ്രതിഭാസം തുടരുകയാണ്. വെള്ളം കെട്ടിക്കിഴന്ന് ഈ പ്രദേശം ഇപ്പോൾ ഒരു തടാകം പോലെയായി മാറിയിട്ടുണ്ടെന്ന് നാട്ടുകാർ പറയുന്നു.
ജലമർദം വർധിക്കുമ്പോൾ റോഡ് കവിഞ്ഞൊഴുകുന്ന സ്ഥിതിയാണ് നിലവിലുള്ളത്. ആവശ്യത്തിന് ആഴമില്ലാതെയാണ് റോഡിന് കുറുകെ വിതരണ ലൈനുകൾ സ്ഥാപിച്ചിരിക്കുന്നതെന്നാണ് പ്രദേശവാസികളുടെ പ്രധാന ആക്ഷേപം.
എന്നാൽ വീടുകളിലേക്ക് എടുത്ത കണക്ഷനായതിനാൽ പൈപ്പ് പൊട്ടിയാൽ ഉടമകൾ തന്നെ നന്നാക്കണം എന്ന നിലപാടിലാണ് ജല അതോറിറ്റി അധികൃതർ. റോഡ് പൊതുമരാമത്ത് വകുപ്പിന്റെ പരിധിയിലായതിനാൽ, റോഡ് കുഴിച്ച് അറ്റകുറ്റപ്പണി നടത്താൻ വീട്ടുകാർക്ക് നേരിട്ട് അനുമതി ലഭിക്കുകയെന്നത് ബുദ്ധിമുട്ടേറിയ കാര്യമാണ്.
ഇതിനായി വിവിധ ഓഫിസുകൾ കയറിയിറങ്ങേണ്ട അവസ്ഥയിലാണ് സാധാരണക്കാർ.
വീടുകളുടെ ഉള്ളിലാണ് പൈപ്പ് പൊട്ടുന്നതെങ്കിൽ സ്വന്തം ഉത്തരവാദിത്തത്തിൽ ശരിയാക്കാൻ മടിയില്ലെന്നും, എന്നാൽ പൊതുറോഡിലെ ഈ പ്രശ്നം പരിഹരിക്കാൻ ജല അതോറിറ്റി അടിയന്തരമായി ഇടപെടണമെന്നുമാണ് നാട്ടുകാരുടെ ശക്തമായ ആവശ്യം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
