സാംസങ് ഗാലക്സി ഇതര ഫോൾഡബിൾ സ്മാർട്ട്ഫോണുകളിലെ നിർണായക മാറ്റങ്ങൾ

ഫോൾഡബിൾ സ്മാർട്ട്ഫോൺ വിപണിയിൽ വലിയ മാറ്റങ്ങളുമായി സാംസങ് എത്തുന്നതായി റിപ്പോർട്ട്. പുതിയ സാംസങ് ഗാലക്സി സെഡ് ഫോൾഡ് 8 അൾട്രാ (Samsung Galaxy Z Fold 8 Ultra) മോഡലിന്റെ സ്പെസിഫിക്കേഷനുകൾ പരിശോധിച്ചാൽ മുൻ മോഡലായ ഗാലക്സി സെഡ് ഫോൾഡ് 7-ന് സമാനമാണെന്ന് കാണാം.

ചില പുതിയ ക്യാമറ ടൂളുകളും, ആർട്ടിഫിഷ്യൽ ഇന്റലിജൻസ് ഫീച്ചറുകളിലെ മാറ്റങ്ങളും ഒഴിച്ചാൽ ഈ ഫോൺ വലിയ പൊളിച്ചെഴുത്തുകൾക്ക് വിധേയമായിട്ടില്ല. ഫോൾഡബിൾ ഫോണുകളുടെ ഉയർന്ന വില കണക്കിലെടുക്കുമ്പോൾ ഇത് ചില ഉപയോക്താക്കളെ നിരാശപ്പെടുത്തിയേക്കാം.

എന്നാൽ, പുതിയ ഗാലക്സി സെഡ് ഫോൾഡ് 8 (Galaxy Z Fold 8) സീരീസിൽ ഉൾപ്പെടുത്തിയിട്ടുള്ള ചെറുതെങ്കിലും ശ്രദ്ധേയമായ ചില മാറ്റങ്ങൾ ഈ ഡിവൈസുകളെ കൂടുതൽ ആകർഷകമാക്കുന്നുണ്ട്. ഫോണിന്റെ ദീർഘകാല ഈട് നിൽക്കാനുള്ള ശേഷിയാണ് ഇതിൽ പ്രധാനം.

ഒറിജിനൽ ഗാലക്സി ഫോൾഡിന്റെ ഡിസ്പ്ലേ പ്രശ്നങ്ങളെത്തുടർന്ന് പല ഉപയോക്താക്കളും ഫോൾഡബിൾ ഫോണുകളുടെ ദീർഘായുസ്സിൽ ആശങ്ക പ്രകടിപ്പിച്ചിരുന്നു. എന്നാൽ പുതിയ സീരീസിൽ ഡ്യൂറബിലിറ്റിക്ക് സാംസങ് മുൻഗണന നൽകിയിട്ടുണ്ട്.

പുതിയ ഫ്ലെക്സ് ടൈറ്റാനിയം (Flex Titanium) സാങ്കേതികവിദ്യ കമ്പനിയുടെ ഏറ്റവും മികച്ചതും ദീർഘനാൾ നിലനിൽക്കുന്നതുമായ ഫോൾഡബിൾ ഫോണുകൾ വാഗ്ദാനം ചെയ്യുന്നു. OLED-നും ഗ്ലാസിനും താഴെയായി ടൈറ്റാനിയം-അലോയ് ഫിലിമും ടൈറ്റാനിയം പ്ലേറ്റ് ലെയറുകളും ഉൾപ്പെടുത്തിയാണ് ഈ സാങ്കേതികവിദ്യ വികസിപ്പിച്ചിരിക്കുന്നത്.

മനുഷ്യന്റെ മുടിയുടെ കനത്തിന്റെ 30 ശതമാനം മാത്രം വരുന്ന ടൈറ്റാനിയം-അലോയ് ഫിലിം ഫോണിന്റെ വണ്ണത്തെ ബാധിക്കില്ല. എങ്കിലും ചെറിയ വീഴ്ചകളിൽ നിന്നടക്കം സ്ക്രീനിന് മികച്ച സംരക്ഷണം നൽകാൻ ഇതിലൂടെ സാധിക്കുന്നു.

കൂടാതെ, സ്ക്രീനിൽ ആൻ്റി-റിഫ്ലക്റ്റീവ് ഗ്ലെയർ ലെയറും സാംസങ് ഉൾപ്പെടുത്തിയിട്ടുണ്ട്. പുറത്തുവെച്ച് ഫോൺ ഉപയോഗിക്കുമ്പോൾ സൂര്യപ്രകാശത്തിൽ ഡിസ്പ്ലേ കാണാൻ ബുദ്ധിമുട്ടുന്നവർക്ക് ഈ ഫീച്ചർ ഏറെ സഹായകരമാകും.

ബാറ്ററി ഉപയോഗം വർദ്ധിപ്പിക്കാതെ തന്നെ വെളിച്ചത്തെ പ്രതിരോധിക്കാൻ ഇതിലൂടെ സാധിക്കും. ഗാലക്സി സെഡ് ഫോൾഡ് ഫോണുകൾക്ക് പുറമെ ഗാലക്സി സെഡ് ഫ്ലിപ്പ് 8 (Galaxy Z Flip 8) മോഡലിലും ഡിസൈൻ മാറ്റങ്ങൾ വരുത്തിയിട്ടുണ്ട്.

മുൻ മോഡലായ സെഡ് ഫ്ലിപ്പ് 7 നെ അപേക്ഷിച്ച് പുതിയ ഫോളിന് വലിപ്പം കുറവാണ്. 6.1 എംഎം കനവും 180 ഗ്രാം ഭാരവുമുള്ള ഈ ഫോൺ മുൻ പതിപ്പുകളെക്കാൾ കനം കുറഞ്ഞതും ഭാരം കുറഞ്ഞതുമാണ്.

ഹിഞ്ചിലും സ്ക്രീനിലും ഡ്യൂറബിലിറ്റി അപ്ഗ്രേഡുകളും ഇതിൽ ഉൾപ്പെടുത്തിയിട്ടുണ്ട്. ഫോൾഡബിൾ ഫോണുകൾ പെട്ടെന്ന് കേടായി പോകുമെന്ന ആശങ്ക ഒഴിവാക്കി ഉപയോക്താക്കൾക്ക് കൂടുതൽ ആത്മവിശ്വാസത്തോടെ ഇവ സ്വന്തമാക്കാൻ പുതിയ മാറ്റങ്ങൾ സഹായകമാകും.