ഫുട്ബോൾ ലോകം അത്യന്തം ആവേശത്തോടെയാണ് ഈ കൂടിക്കാഴ്ചയെ നോക്കിക്കാണുന്നത്. ഒരു തലമുറയുടെ ഇതിഹാസ താരം മൈതാനത്ത് നിറഞ്ഞുനിൽക്കുമ്പോൾ, മറ്റൊരു തലമുറയുടെ ഉദയസൂര്യനായ ലമീൻ യമാൽ തന്റെ മികവ് തെളിയിക്കാൻ ഇറങ്ങുന്നു.
വർഷങ്ങൾക്ക് മുൻപ്, കളിജീവിതത്തിന്റെ തുടക്കത്തിൽ ലയണൽ മെസ്സി ലമീൻ യമാലിനെ കൈയ്യിലെടുത്ത് വാത്സല്യത്തോടെ കൊഞ്ചിച്ച ചിത്രം ഇന്ന് ഫുട്ബോൾ പ്രേമികൾക്കിടയിൽ വീണ്ടും ചർച്ചാവിഷയമായിരിക്കുകയാണ്. ഒരുകാലത്ത് ലോകഫുട്ബോളിനെ വിസ്മയിപ്പിച്ച മെസ്സി പിച്ചിൽ ഇറങ്ങുമ്പോൾ, അതേ പാത പിന്തുടരുന്ന ലമീൻ യമാൽ തന്റേതായ ഇടം കണ്ടെത്താനുള്ള തീവ്രശ്രമത്തിലാണ്.
കളി പഠിച്ചവനും പഠിപ്പിച്ചവനും തമ്മിലുള്ള പോരാട്ടം എന്നതിലുപരി, ചരിത്രമായ ഒരാളോട് പൊരുതി പുതിയ ചരിത്രം രചിക്കാനുള്ള ലമീൻ യമാലിന്റെ ശ്രമം ഫുട്ബോൾ ലോകം ഉറ്റുനോക്കുന്നു. ഒരേ മൈതാനത്ത് മുഖാമുഖം നിൽക്കുമ്പോൾ, ഇരുവരും ലക്ഷ്യമിടുന്നത് കളിക്കളത്തിലെ അത്യുന്നതങ്ങളിലെ സിംഹാസനമാണ്.
തലമുറകൾ തമ്മിലുള്ള ഈ ഏറ്റുമുട്ടൽ ഫുട്ബോൾ ചരിത്രത്തിലെ തന്നെ സവിശേഷമായ ഒരു ഏടായി മാറുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
