പാലാ നഗരസഭയിലെ ഭരണസമിതിയിൽ നിലനിൽക്കുന്ന രാഷ്ട്രീയ ഭിന്നതകൾ കൂടുതൽ രൂക്ഷമാകുന്നു. യുഡിഎഫ് കൗൺസിലർമാരുടെ ഔദ്യോഗിക വാട്സാപ് ഗ്രൂപ്പിൽ നിന്ന് നഗരസഭാധ്യക്ഷ ദിയ ബിനു, പിതാവ് ബിനു പുളിക്കക്കണ്ടം, അദ്ദേഹത്തിന്റെ സഹോദരൻ ബിജു പുളിക്കക്കണ്ടം എന്നിവർ പുറത്തുപോയത് മുന്നണിയിൽ വലിയ ചർച്ചകൾക്ക് വഴിവെച്ചിരിക്കുകയാണ്.
ഈ സാഹചര്യത്തിൽ കേരള കോൺഗ്രസ്, സ്വതന്ത്ര കൂട്ടായ്മ, കെഡിപി എന്നിവയിലെ കൗൺസിലർമാർ അടിയന്തര യോഗം ചേർന്നു. കേരള കോൺഗ്രസിൽ നിന്നുള്ള 3 പേരും, സ്വതന്ത്ര മുന്നണി കൂട്ടായ്മയിലെ 3 പേരും, കെഡിപിയിലെ 1 അംഗവും ഉൾപ്പെടെ 7 കൗൺസിലർമാരാണ് ഈ യോഗത്തിൽ പങ്കെടുത്തത്.
ഇതിനു തൊട്ടുമുമ്പുള്ള ദിവസങ്ങളിൽ കോൺഗ്രസ് കൗൺസിലർമാരും വെവ്വേറെ യോഗം ചേർന്ന് സ്ഥിതിഗതികൾ വിലയിരുത്തിയിരുന്നു. മുന്നണിയിലെ പ്രതിസന്ധി പരിഹരിക്കാൻ കെപിസിസി രാഷ്ട്രീയകാര്യ സമിതിയംഗം ജോസഫ് വാഴയ്ക്കൻ, ഡിസിസി പ്രസിഡന്റ് നാട്ടകം സുരേഷ് എംഎൽഎ എന്നിവർ അടിയന്തരമായി ഇടപെടുകയും വിവരങ്ങൾ ആരാഞ്ഞിട്ടുമുണ്ട്.
കോൺഗ്രസ് നേതൃത്വത്തിന്റെ ഭാഗത്തുനിന്ന് അനുകൂലമായ നടപടികളുണ്ടാകുമെന്ന പ്രതീക്ഷയിലാണ് കേരള കോൺഗ്രസും സ്വതന്ത്ര കൂട്ടായ്മയും. തർക്കങ്ങളുടെ പശ്ചാത്തലം
കൊട്ടാരമറ്റത്തെ ഓട്ടോ സ്റ്റാൻഡ് മാറ്റുന്നതുമായി ബന്ധപ്പെട്ട
തർക്കങ്ങളാണ് ഭരണസമിതിയിലെ ഭിന്നതയ്ക്ക് തുടക്കമിട്ടത്. ഇതിനു പിന്നാലെ, സ്വതന്ത്ര കൂട്ടായ്മയിലെ കൗൺസിലർമാരായ ബിജുവും ബിനുവും തന്നെ കയ്യേറ്റം ചെയ്തെന്നാരോപിച്ച് കോൺഗ്രസ് അംഗം ബിജു മാത്യൂസ് പൊലീസിൽ പരാതി നൽകി.
ഇതിന് മറുപടിയായി, നഗരസഭ ഓഫിസിൽ നിന്ന് ഫയലുകളും വാച്ചും കാണാതായെന്ന് ആരോപിച്ച് കോൺഗ്രസ് അംഗം ബിജു മാത്യൂസിനെതിരെ നഗരസഭാധ്യക്ഷ ദിയ ബിനുവും പരാതി നൽകിയതോടെ കാര്യങ്ങൾ വഷളാവുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
