ജൂൺ 1-ന് ലോകമെമ്പാടും ലോക ക്ഷീരദിനം ആചരിക്കുകയാണ്. മനുഷ്യന്റെ ദൈനംദിന ജീവിതത്തിൽ ഒഴിച്ചുകൂടാനാവാത്ത ഭക്ഷ്യവിഭവമാണ് പാൽ.
ആരോഗ്യപരമായ ഗുണങ്ങൾക്കപ്പുറം പാൽ അധിഷ്ഠിത ഉൽപ്പന്നങ്ങളുടെ വിപണിയിലും ഉപഭോഗത്തിലും വലിയ പ്രാധാന്യമാണുള്ളത്. ഈ വർഷത്തെ ക്ഷീരദിനം ക്ഷീരമേഖലയിലെ സ്ത്രീകളുടെ സേവനങ്ങളെയും അവരുടെ നിർണ്ണായകമായ പങ്കിനെയും ആദരിക്കുന്നതിനായി സമർപ്പിച്ചിരിക്കുന്നു.
ആഗോളതലത്തിൽ ക്ഷീരകർഷക തൊഴിലാളികളിൽ 70-80% സ്ത്രീകളാണ്. ക്ഷീര കാർഷികത്തിലെ നട്ടെല്ലായി ഇവർ വർത്തിക്കുന്നു.
കന്നുകാലി പരിപാലനം, പാൽ കറക്കൽ, കാലിത്തീറ്റ നൽകൽ, പരിസര ശുചീകരണം തുടങ്ങിയ പ്രവർത്തനങ്ങളെല്ലാം അതീവ ശ്രദ്ധയോടെയും ക്ഷമയോടെയും സ്ത്രീകളാണ് നിർവ്വഹിക്കുന്നത്. മണിക്കൂറുകൾ നീളുന്ന കഠിനാധ്വാനത്തിലൂടെയാണ് ഓരോ ദിവസവും പാൽ ശേഖരണം സാധ്യമാക്കുന്നത്.
ഈ മേഖലയിലെ സജീവമായ ഇടപെടലുകൾ സ്ത്രീകൾക്ക് സാമ്പത്തിക സ്വാശ്രയത്വം കൈവരിക്കാൻ വഴിയൊരുക്കുന്നു. മൃഗങ്ങളുടെ ആരോഗ്യപരിപാലനത്തിലും അവയുടെ ക്ഷേമം ഉറപ്പുവരുത്തുന്നതിലും വലിയൊരു പങ്കാണ് സ്ത്രീകൾ വഹിക്കുന്നത്.
ക്ഷീര സഹകരണ സംഘങ്ങൾ നൽകുന്ന പിന്തുണയും അവസരങ്ങളും കൂടുതൽ സ്ത്രീകളെ ഈ തൊഴിൽ മേഖലയിലേക്ക് ആകർഷിക്കുന്നുവെന്നത് ശ്രദ്ധേയമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
