റോഡിന്റെ വശത്തു പാർക്ക് ചെയ്ത കാർ തീ കത്തി നശിച്ചു

കീക്കൊഴൂർ ∙ വീടിനു സമീപം റോഡിന്റെ വശത്തു പാർക്ക് ചെയ്തിരുന്ന കാർ തീ കത്തി നശിച്ചു. ആരോ കത്തിച്ചതാണെന്നാണു ഉടമയുടെ പരാതി.

കീക്കൊഴൂർ കോനാട്ടുപടി കല്ലുംപുറത്ത് ഷിന്റോയുടെ കെഎൽ 62 ബി 6712 കാറാണു കത്തി നശിച്ചത്. ചൊവ്വാഴ്ച രാത്രി 10 മണിയോടെയാണു സംഭവം.
ഷിന്റോയുടെ വീട്ടിലേക്കു കാർ ഇറങ്ങില്ല.

ഇതുമൂലം സമരമുക്ക്–കൂനംതടം റോഡിന്റെ വശത്തിട്ടിരിക്കുകയായിരുന്നു. വലിയതോതിൽ തീ കത്തുന്നതാണു രാത്രിയിൽ കാണുന്നത്.

സംഭവം അറിഞ്ഞെത്തിയ അഗ്നിരക്ഷാ സേനയാണു തീ അണച്ചത്. ഇതിനകം ഏതാണ്ടു പൂർണമായി കത്തിയിരുന്നു.

… FacebookTwitterWhatsAppTelegram