പെരുമ്പാവൂർ ∙ അതിഥിത്തൊഴിലാളികൾ തിങ്ങിപ്പാർക്കുന്ന കണ്ടന്തറ ഭായ് കോളനിയിൽ നർകോട്ടിക് കൺട്രോൾ ബ്യൂറോയുടെയും എക്സൈസിന്റെയും നേതൃത്വത്തിൽ വൻ ലഹരി പരിശോധന. പലചരക്കു കടയുടെ മറവിൽ വിൽപന നടത്തിയ 66 ഗ്രാം ഹെറോയിനും വിൽപനയിലൂടെ കിട്ടിയ 9,33,500 രൂപയും നോട്ടെണ്ണുന്ന യന്ത്രവും പിടിച്ചെടുത്തു.
കട നടത്തിയിരുന്ന കാരോത്തുകുടി സലീനയെ(52) അറസ്റ്റ് ചെയ്തു.
പരിശോധന നടക്കുമ്പോൾ നാട്ടുകാർ തടിച്ചു കൂടി സലീനയ്ക്കെതിരെ പ്രതിഷേധിച്ചു.
10 ലക്ഷം രൂപ വിലമതിക്കുന്നതാണ് ഹെറോയിൻ. ചില്ലറ വിൽപനയ്ക്കായി ലഹരി വസ്തുക്കൾ കൊണ്ടു വന്നു സൂക്ഷിക്കുന്നത് ഇവിടെയായിരുന്നു.
അസമിൽ നിന്നു കൊണ്ടു വരുന്ന ഹെറോയിൻ ചില്ലറ വിൽപനയ്ക്കായി പാക്ക് ചെയ്യുമ്പോഴാണ് സലീനയെ പിടികൂടിയത്. പ്രായപൂർത്തിയാകാത്ത അതിഥിത്തൊഴിലാളി കുട്ടികളെ ഉപയോഗിച്ചു വരെയായിരുന്നു വിൽപനയെന്ന് എക്സൈസ് പറഞ്ഞു. പൊലീസിന്റെയും എക്സൈസിന്റെയും ഇൻഫോമർ എന്നു തെറ്റിദ്ധരിപ്പിച്ചായിരുന്നു സലീന കട നടത്തിയിരുന്നത്.
ഇതു ശരിയല്ലെന്നും തുടർ അന്വേഷണം നടത്തുമെന്നും എക്സൈസ് ഇൻസ്പെക്ടർ എസ്.ബിനു അറിയിച്ചു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
