മൂന്നാം നിലയിൽനിന്ന് രണ്ടാം നിലയിലെ ഷീറ്റിന് മുകളിലേക്ക്, പുറത്തിറങ്ങി ലിഫ്റ്റ് അടിച്ചു: ‘ഷൈൻ എസ്കേപ്’ ഇങ്ങനെ– വിഡിയോ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
കൊച്ചി ∙ ലഹരി പരിശോധനയ്ക്ക് കൊച്ചിയിലെ ഹോട്ടല്‍ മുറിയിലെത്തിയ പൊലീസ് ഡാൻസാഫ് സംഘത്തിന്റെ കയ്യിൽനിന്ന് നടൻ ഷൈൻ ടോം ചാക്കോ രക്ഷപ്പെട്ടത് സിനിമയെ വെല്ലുന്ന നീക്കങ്ങളിലൂടെ. പൊലീസ് സംഘം ഹോട്ടലിന്റെ മൂന്നാം നിലയിലെ 314–ാം നമ്പർ മുറിയുടെ വാതിലിന് മുന്നിൽ എത്തിയപ്പോൾ ഷൈൻ റൂമിന്റെ ജനാലവഴി രണ്ടാം നിലയിലെ ഷീറ്റിന് മുകളിലേക്ക് ചാടി.
ചാട്ടത്തിന്റെ ആഘാതത്തിൽ ഷീറ്റ് പൊട്ടി. പിന്നാലെ അവിടെനിന്നു നീന്തൽ കുളത്തിലേക്കെത്തിയ ഷൈൻ പടിക്കെട്ടുകളിലൂടെ ഓടിയാണ് റിസപ്ഷന്റെ ഭാഗത്തേക്ക് എത്തിയത്. അവിടെ നിന്ന് ഹോട്ടലിന് പുറത്തുകടന്ന ഷൈൻ അതുവഴി വന്ന ഇരുചക്ര വാഹനത്തിന് കൈകാണിച്ച് അതിൽ കയറി രക്ഷപ്പെടുകയായിരുന്നു.
ഇത്രയും സാഹസപ്പെട്ട് ഷൈൻ രക്ഷപ്പെടണമെങ്കിൽ അദ്ദേഹത്തിന്റെ കൈവശം കാര്യമായി എന്തോ ഉണ്ടായിരുന്നിരിക്കാമെന്നാണ് പൊലീസിന്റെ അനുമാനം. ഷൈനിനെ ഇതുവരെ കണ്ടെത്താൻ പൊലീസിന് കഴിഞ്ഞിട്ടില്ല.
