മലപ്പുറം: താനൂരിലെ ബോട്ടപകടത്തില് കാണാതായ എട്ട് വയസുകാരനെ കണ്ടെത്തി. അപകടത്തില് പെട്ട് പരിക്കേറ്റ് കോഴിക്കോട് മെഡിക്കല് കോളേജ് ആശുപത്രിയില് ചികിത്സയില് കഴിയുകയാണ് കുട്ടി.
ഇന്നലത്തെ തിരക്കില് ബന്ധുക്കള്ക്ക് കുട്ടിയെ കുറിച്ച് വിവരം ലഭിച്ചിരുന്നില്ല. കുട്ടിയെ കാണാനില്ലെന്ന പരാതിയില് അപകടം നടന്ന സ്ഥലത്ത് തിരച്ചില് നടത്തുന്നതിനിടെയാണ് കുട്ടിയെ കണ്ടെത്തിയത്.
ബന്ധുക്കള് തന്നെ ആശുപത്രികളില് ചികിത്സയിലുള്ളവരില് കുട്ടിയുണ്ടോയെന്ന് പോലീസിനോട് ചോദിച്ചിരുന്നു. തുടര്ന്ന് നടത്തിയ അന്വേഷണത്തിലാണ് കോഴിക്കോട് മെഡിക്കല് കോളജിലേക്ക് കുട്ടിയെ മാറ്റിയിരുന്നുവെന്ന് മനസിലായത്.
ഇതോടെ ഇനി അപകടത്തില് പെട്ട ആരെയും കണ്ടുകിട്ടാനില്ലെന്നാണ് കരുതുന്നത്.
ആരെയും കണ്ടെത്താനുള്ളതായി ഇപ്പോള് പരാതി വന്നിട്ടില്ല. ഈ സാഹചര്യത്തില് തിരച്ചില് അവസാനിപ്പിച്ചേക്കും.
ഇതോടെ അപകട സമയത്ത് ബോട്ടിലുണ്ടായിരുന്നത് 37 പേരാണെന്ന സംശയം ബലപ്പെട്ടു.
അപകടം നടന്നയുടന് ബോട്ടില് നിന്ന് വെള്ളത്തില് ചാടി നീന്തി രക്ഷപ്പെട്ട അഞ്ച് പേരെ നേരത്തെ തന്നെ കണ്ടെത്തിയിരുന്നു.
22 പേരാണ് അപകടത്തില് മരിച്ചത്. കാണാതായെന്ന കരുതിയ കുട്ടിയടക്കം പത്ത് പേരാണ് ചികിത്സയിലുള്ളത്.
The post താനൂരില് കാണാതായ എട്ട് വയസുകാരനെ കണ്ടെത്തി, തിരച്ചില് അവസാനിപ്പിച്ചേക്കും appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
