ന്യൂഡല്ഹി: നടുറോഡില് തോക്ക് ചൂണ്ടി വ്യവസായിയുടെ പക്കല് നിന്നും കവര്ന്നത് ഏകദേശം രണ്ട് കോടിരൂപ. തിരക്കേറിയ റോഡിന് നടുവില് തെരുവുവിളക്കുകള് കത്തിനില്ക്കുമ്പോഴാണ് സംഭവം.
സ്കൂട്ടറില് വന്ന മൂന്ന് പേര് ബിസിനസുകാരന്റെ കാറിന്റെ ചില്ല് തകര്ത്തു. തുടര്ന്ന് തോക്ക് ചൂണ്ടി ബൂട്ടില് നിന്ന് മൂന്ന് ബാഗുകള് നിറയെ പണം തട്ടിയെടുത്തു.
ഡല്ഹി ആസ്ഥാനമായുള്ള വ്യവസായി നരേന്ദ്ര കുമാര് അഗര്വാളിനും ബന്ധു കരണ് അഗര്വാളിനും 1.97 കോടി രൂപയുടെ നിരവധി ബാഗുകള് നഷ്ടപ്പെട്ടു. കാറിന്റെ ഡിക്കിയില് നിന്നാണ് ബാഗുകള് മോഷ്ടിക്കപ്പെട്ടത്.
സിസിടിവിയില് പതിഞ്ഞ വീഡിയോയില് സ്കൂട്ടര് ഓടിച്ചയാള് ഒരു വെള്ള വാഹനത്തിന് മുന്നിലെ ഡ്രൈവറുമായി വഴക്കിടുന്നത് കാണിക്കുന്നു. മറ്റൊരാള് പിന്നില് നിന്ന് വന്ന് മുന്വശത്തെ ഡ്രൈവറുടെ ഭാഗത്തെ ചില്ല് തകര്ക്കുന്നു.
കുറച്ച് നിമിഷങ്ങള്ക്ക് ശേഷം കാറിന്റെ പിന്നില് നിന്ന് മൂന്ന് പേര് കൂടി പ്രത്യക്ഷപ്പെടുകയും ഡ്രൈവറെ ബൂട്ട് അഴിക്കാന് നിര്ബന്ധിക്കുകയും ചെയ്തു. തുടര്ന്ന് അക്രമികള് പണം നിറച്ച മൂന്ന് ബാഗുകള് മോഷ്ടിച്ച് അവരുടെ സ്കൂട്ടറില് പോകുന്നത് കാണാം.
സ്വകാര്യ സ്ഥാപനത്തിലെ സിസിടിവി ക്യാമറയിലാണ് ദൃശ്യങ്ങള് പതിഞ്ഞത്. ഓള്ഡ് ഡല്ഹിയിലെ ചാന്ദ്നി ചൗക്കില് നിന്ന് വരികയായിരുന്നു വ്യവസായിയെന്ന് പോലീസ് പറഞ്ഞതായി എന്ഡിടിവി റിപ്പോര്ട്ട് ചെയ്യുന്നു.
സംഭവത്തിന്റെ മുഴുവന് ദൃശ്യങ്ങളും സിസിടിവി ക്യാമറയില് പതിഞ്ഞിട്ടുണ്ട്. ഈ ദജശ്യങ്ങളുടെ അടിസ്ഥാനത്തിലാണ് അന്വേഷണം പുരോഗമിക്കുന്നത്.
source FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
