സ്മാർട്ട്ഫോൺ ഉപയോഗത്തിൽ ദിവസേന ഉപയോക്താക്കൾ നേരിട്ടിരുന്ന വലിയൊരു അസൗകര്യത്തിന് പരിഹാരവുമായി ഗൂഗിൾ പിക്സൽ എത്തിയിരിക്കുന്നു. സ്ക്രീൻ പൂർണ്ണമായും ഓഫ് ആയിരിക്കുമ്പോൾ പോലും വിരലടയാളം ഉപയോഗിച്ച് അൺലോക്ക് ചെയ്യാൻ സാധിക്കാത്ത വിധത്തിലുള്ള പഴയ പോരായ്മയാണ് പുതിയ അപ്ഡേറ്റിലൂടെ കമ്പനി പരിഹരിച്ചിരിക്കുന്നത്.
ആൻഡ്രോയിഡ് 16 ക്യു.പി.ആർ.2 പതിപ്പിലാണ് ഉപയോക്താക്കൾക്ക് ഏറെ ആശ്വാസകരമായ ഈ പുതിയ മാറ്റം ഉൾപ്പെടുത്തിയിരിക്കുന്നത്. വൺപ്ലസ്, സാംസങ് തുടങ്ങിയ മറ്റ് പ്രമുഖ ആൻഡ്രോയിഡ് ബ്രാൻഡുകളിലെല്ലാം ഫോൺ സ്ക്രീൻ ഓഫ് കിടക്കുമ്പോൾ തന്നെ ഫിംഗർപ്രിന്റ് ഉപയോഗിച്ച് അൺലോക്ക് ചെയ്യാനുള്ള സംവിധാനം വർഷങ്ങളായി നിലവിലുണ്ട്.
എന്നാൽ ഗൂഗിൾ പിക്സൽ ഫോണുകളിൽ സ്ക്രീൻ വേക്ക് ചെയ്യാതെ അല്ലെങ്കിൽ പവർ ബട്ടൺ അമർത്താതെ ഫിംഗർപ്രിന്റ് പ്രവർത്തിച്ചിരുന്നില്ല. ‘ഓൾവേസ് ഓൺ ഡിസ്പ്ലേ’ ഓൺ ആക്കി വെച്ചാൽ മാത്രമാണ് ഈ പ്രശ്നത്തിന് ഒരു പരിധി വരെ പരിഹാരം കണ്ടെത്തിയിരുന്നത്.
ഇത് ഫോണിന്റെ ബാറ്ററി ലൈഫിനെയും ബാധിച്ചിരുന്നു. എന്നാൽ പുതിയ ക്യു.പി.ആർ.2 അപ്ഡേറ്റ് എത്തിയതോടെ ഈ തടസ്സങ്ങൾ പൂർണ്ണമായി നീങ്ങിയിരിക്കുകയാണ്.
സുരക്ഷാ ക്രമീകരണങ്ങളിലെ ഫിംഗർപ്രിന്റ് ജെസ്ചർ വിഭാഗത്തിൽ പുതിയൊരു ടോഗിൾ ഇതിനായി നൽകിയിട്ടുണ്ട്. ഈ ഫീച്ചർ ആക്ടീവ് ചെയ്യുന്നതിലൂടെ ഡിസ്പ്ലേ പൂർണ്ണമായും ഓഫ് കിടക്കുന്ന അവസ്ഥയിൽ പോലും വിരലടയാളം തിരിച്ചറിഞ്ഞ് ഫോൺ അൺലോക്ക് ചെയ്യാൻ സാധിക്കും.
മറ്റ് ഫോണുകളിലേതുപോലെ സങ്കീർണ്ണമായ കസ്റ്റമൈസേഷനുകളോ മറ്റ് ബുദ്ധിമുട്ടുകളോ ഇല്ലാതെ വളരെ ലളിതമായാണ് ഈ പുതിയ ഫീച്ചർ ഗൂഗിൾ രൂപകൽപ്പന ചെയ്തിരിക്കുന്നത്. പിക്സൽ ഉപയോക്താക്കൾ വർഷങ്ങളായി ആവശ്യപ്പെട്ടിരുന്നതും എന്നാൽ ഏറെ നാളായി കാത്തിരുന്നതുമായ ഏറ്റവും പ്രധാനപ്പെട്ട
ഒരു അപ്ഡേറ്റായാണ് ഇതിനെ സാങ്കേതിക ലോകം വിലയിരുത്തുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
