
കൊൽക്കത്ത∙ ഇംഗ്ലണ്ടിനെതിരായ ഒന്നാം ട്വന്റി20യിൽ ടോസ് ഇന്ത്യയ്ക്ക്. പ്രതീക്ഷിച്ചിരുന്നതുപോലെ ക്യാപ്റ്റൻ സൂര്യകുമാർ യാദവ് ഇംഗ്ലണ്ടിനെ ബാറ്റിങ്ങിന് അയച്ചു. ഇന്ത്യൻ നിരയിൽ മലയാളി താരം സഞ്ജു സാംസൺ ഉൾപ്പെടെയുള്ളവർ ഇടംപിടിച്ചു. ഇംഗ്ലണ്ട് നിരയിൽ ജോഫ്ര ആർച്ചർ, യുവതാരം ജേക്കബ് ബെത്തൽ തുടങ്ങിയവരുമുണ്ട്. ആകെ അഞ്ച് മത്സരങ്ങളാണ് പരമ്പരയിലുള്ളത്. നീണ്ട ഇടവേളയ്ക്കു ശേഷം ടീമിൽ തിരിച്ചെത്തിയ മുഹമ്മദ് ഷമി ഇന്നു കളിക്കുന്നില്ല. ഫിറ്റ്നസിന്റെ കാര്യത്തിൽ സംശയങ്ങളുള്ള സാഹചര്യത്തിലാണിത്.
ഇന്ത്യൻ ടീം: സഞ്ജു സാംസൺ (വിക്കറ്റ് കീപ്പർ), അഭിഷേക് ശർമ, തിലക് വർമ, സൂര്യകുമാർ യാദവ് (ക്യാപ്റ്റൻ), ഹാർദിക് പാണ്ഡ്യ, റിങ്കു സിങ്, നിതീഷ് കുമാർ റെഡ്ഡി, അക്ഷർ പട്ടേൽ, അർഷ്ദീപ് സിങ്, രവി ബിഷ്ണോയ്, വരുൺ ചക്രവർത്തി
ഇംഗ്ലണ്ട് ടീം: ബെൻ ഡക്കറ്റ്, ഫിൽ സാൾട്ട് (വിക്കറ്റ് കീപ്പർ), ജോസ് ബട്ലർ (ക്യാപ്റ്റൻ), ഹാരി ബ്രൂക്ക്, ലിയാം ലിവിങ്സ്റ്റൺ, ജേക്കബ് ബെത്തൽ, ജാമി ഓവർട്ടൻ, ഗസ് അറ്റ്കിൻസൻ, ജോഫ്ര ആർച്ചർ, ആദിൽ റഷീദ്, മാർക്ക് വുഡ്
∙ ഗംഭീരമാക്കാൻ ഇന്ത്യ
ഓസ്ട്രേലിയൻ പര്യടനത്തിനു പിന്നാലെ തന്റെ സ്ഥാനം തന്നെ ആശങ്കയിലായ ഇന്ത്യൻ പരിശീലകൻ ഗൗതം ഗംഭീറിന് ഇംഗ്ലണ്ട് പരമ്പര എന്തു വിലകൊടുത്തും ജയിച്ചേ മതിയാകൂ. ടെസ്റ്റിലും ഏകദിനങ്ങളിലും തോറ്റെങ്കിലും ട്വന്റി20യിൽ ഗംഭീറിനു കീഴിൽ ഇന്ത്യ ഇതുവരെ പരാജയമറിഞ്ഞിട്ടില്ല. 6 രാജ്യാന്തര ട്വന്റി20 മത്സരങ്ങളിൽ ആറിലും ജയിച്ചു. ഈ വിജയവാഴ്ച തുടരുകയെന്ന ലക്ഷ്യമാണ് ഗംഭീറിനു മുന്നിലുള്ളത്. ചാംപ്യൻസ് ട്രോഫി പടിവാതിലിൽ നിൽക്കെ, പ്രധാന താരങ്ങൾക്ക് വിശ്രമം നൽകി യുവനിരയുമായാണ് ഇന്ത്യ എത്തുന്നത്.
ദക്ഷിണാഫ്രിക്കയിൽ പരീക്ഷിച്ച അഭിഷേക് ശർമ– സഞ്ജു സാംസൺ ഓപ്പണിങ് ജോടി തന്നെ ഇംഗ്ലണ്ടിനെതിരെയും തുടരും. മിന്നും ഫോമിലുള്ള തിലക് വർമ മൂന്നാം നമ്പറിൽ എത്തും. ക്യാപ്റ്റൻ സൂര്യകുമാർ യാദവ്, ഹാർദിക് പാണ്ഡ്യ, റിങ്കു സിങ്, നിതീഷ് കുമാർ റെഡ്ഡി എന്നിവർക്കാകും മധ്യനിരയുടെ ചുമതല. അർഷ്ദീപ് സിങ്ങും മുഹമ്മദ് ഷമിയും പേസ് നിര കൈകാര്യം ചെയ്യുമ്പോൾ വരുൺ ചക്രവർത്തി, വൈസ് ക്യാപ്റ്റൻ അക്ഷർ പട്ടേൽ എന്നിവർക്കാകും സ്പിൻ നിരയുടെ ചുമതല.
∙ ഇംഗ്ലണ്ടിന് ന്യൂ സ്റ്റാർട്ട്
ടെസ്റ്റ് ക്രിക്കറ്റിൽ ഇംഗ്ലണ്ടിനെ ബാസ്ബോൾ കളിക്കാൻ പഠിപ്പിച്ച ബ്രണ്ടൻ മക്കല്ലത്തിനു കീഴിൽ ആദ്യമായി ട്വന്റി20 കളിക്കാൻ ഇറങ്ങുന്ന ടീമിനെ കൗതുകത്തോടെയാണ് ക്രിക്കറ്റ് ലോകം കാത്തിരിക്കുന്നത്. ക്യാപ്റ്റൻ ജോസ് ബട്ലർ, ഹാരി ബ്രൂക്ക്, ഫിൽ സോൾട്ട്, ലിയാം ലിവിങ്സ്റ്റൻ തുടങ്ങി ശക്തമായ ബാറ്റിങ് നിരയാണ് ഇംഗ്ലണ്ടിന്റേത്.
യുവതാരം ജേക്കബ് ബെത്തലാകും ഇംഗ്ലണ്ടിന്റെ സർപ്രൈസ് സ്റ്റാർ. ട്വന്റി20യിൽ 50നു മുകളിൽ ബാറ്റിങ് ശരാശരിയും 160നു മുകളിൽ സ്ട്രൈക്ക് റേറ്റുമുള്ള താരമാണ് ഇരുപത്തിയൊന്നുകാരൻ ബെത്തൽ. ബോളിങ്ങിൽ ജോഫ്ര ആർച്ചർ, മാർക്ക് വുഡ് എന്നിവരുടെ പേസ് അറ്റാക്ക് ഇന്ത്യയ്ക്ക് വെല്ലുവിളിയാകും.
∙ പിച്ച് റിപ്പോർട്ട്
ബാറ്റിങ്ങിന് അനുകൂലമായ പിച്ചാണ് ഈഡൻ ഗാർഡൻസിലേത്. തുടക്കത്തിൽ പേസ് ബോളർമാർക്ക് മേൽക്കൈ ലഭിച്ചേക്കും. ഇതുവരെ നടന്ന 12 രാജ്യാന്തര ട്വന്റി20 മത്സരങ്ങളിൽ ഏഴും ജയിച്ചത് ആദ്യം ബോൾ ചെയ്ത ടീമാണ്. ശരാശരി ഒന്നാം ഇന്നിങ്സ് ടോട്ടൽ 155.
English Summary:
India vs England, 1st T20I – Live Updates
TAGS
Indian Cricket Team
England Cricket Team
Twenty20 Cricket
Cricket
.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}
@media only screen and (max-width:510px) {
#news-buzz-iframe {
height: 180px;
}
}
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]