സ്മാർട്ട്ഫോണുകളിലെ ചിത്രങ്ങൾ ശേഖരിച്ചു വെക്കാനും അവ എളുപ്പത്തിൽ കണ്ടെത്താനും സഹായിക്കുന്ന മെമ്മോറിയ (Memoria) എന്ന പുതിയ ഓപ്പൺ സോഴ്സ് ഗ്യാലറി ആപ്പ് സാങ്കേതിക ലോകത്ത് ശ്രദ്ധ നേടുന്നു. ഉപയോക്താക്കളുടെ സ്വകാര്യത സംരക്ഷിച്ചുകൊണ്ട് പൂർണ്ണമായും ഓഫ്‌ലൈനായി പ്രവർത്തിക്കുന്നതാണ് ഈ ആപ്പിന്റെ പ്രധാന പ്രത്യേകത.
പ്രമുഖ പ്ലാറ്റ്‌ഫോമുകളിലെ എഐ ട്രാക്കിംഗും ഡാറ്റ ശേഖരണവും ഒഴിവാക്കിക്കൊണ്ട് ലോക്കൽ എഐ സാങ്കേതികവിദ്യയാണ് ഇതിനായി ഉപയോഗിച്ചിരിക്കുന്നത്. ആപ്പിൾ നിർമ്മിച്ച MobileCLIP-S0 മോഡലിന്റെ സഹായത്തോടെ പ്രവർത്തിക്കുന്ന ഈ ആപ്പ്, ഇൻസ്റ്റാൾ ചെയ്തുകഴിഞ്ഞാൽ പൂർണ്ണമായും ഓഫ്‌ലൈൻ മോഡിലാണ് പ്രവർത്തിക്കുക.
ഇതിനായി ഉപയോക്താക്കൾ ആപ്പിന് ആവശ്യമായ അനുമതികൾ നൽകി ഫോൾഡറുകൾ തിരഞ്ഞെടുക്കേണ്ടതുണ്ട്. ഏകദേശം 100MB മാത്രം വലിപ്പമുള്ള ഈ ആപ്പ് ഫോണിൽ കൂടുതൽ സ്ഥലം അപഹരിക്കുന്നില്ല.
ഇംഗ്ലീഷ്, അറബിക്, ഫ്രഞ്ച്, റഷ്യൻ, സ്പാനിഷ് തുടങ്ങി വിവിധ ഭാഷകളെ ഇത് പിന്തുണയ്ക്കുന്നുണ്ട്. കീവേഡുകൾക്ക് പുറമെ ചിത്രങ്ങളിലെ ദൃശ്യങ്ങളും വിവരങ്ങളും നൽകി ഫോട്ടോകൾ തിരയാൻ സാധിക്കും എന്നതാണ് ഇതിന്റെ മറ്റൊരു നേട്ടം.
കൂടാതെ ഗൂഗിൾ പ്ലേ സ്റ്റോറിലെ സമാനമായ മറ്റ് ആപ്പുകളിൽ നിന്നും വ്യത്യസ്തമായി വ്യക്തിഗത വിവരങ്ങൾ ചോദിക്കാത്ത സുരക്ഷിതമായ ഒരു ഓപ്പൺ സോഴ്സ് സംവിധാനമാണിത്. ഗിത്‌ഹബ് വഴി ലഭ്യമാകുന്ന ഈ ആപ്പിന്റെ പ്രാരംഭ ഘട്ടത്തിലെ ഇൻഡക്സിങ് പ്രക്രിയയ്ക്ക് കുറഞ്ഞ സമയം ആവശ്യമാണെങ്കിലും, പിന്നീട് മികച്ച വേഗതയാണ് ഉപയോക്താക്കൾക്ക് നൽകുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
