ഐപിഎല് 2026 സീസണിലെ മികച്ച റണ്വേട്ടക്കാരനുള്ള ഓറഞ്ച് ക്യാപ് രാജസ്ഥാന് റോയല്സിന്റെ കൗമാര താരം വൈഭവ് സൂര്യവംശി സ്വന്തമാക്കി. സീസണിലുടനീളം തകര്പ്പന് ഫോമിലായിരുന്ന താരം, അവസാന ഘട്ട
മത്സരങ്ങളില് തന്റെ ആധിപത്യം ഉറപ്പിക്കുകയായിരുന്നു. പ്രകടന മികവ്
ഈ സീസണില് കളിച്ച 16 ഇന്നിങ്സുകളില് നിന്നായി 237.31 എന്ന മികച്ച സ്ട്രൈക്ക് റേറ്റില് 776 റണ്സാണ് വൈഭവ് സൂര്യവംശി അടിച്ചുകൂട്ടിയത്.
ഒരു സെഞ്ചുറിയും അഞ്ച് അര്ധ സെഞ്ചുറികളും അടങ്ങുന്നതാണ് താരത്തിന്റെ സമ്പാദ്യം. കൂടാതെ, ഈ സീസണില് ഏറ്റവും കൂടുതല് സിക്സുകള് (72) അടിച്ച താരമെന്ന നേട്ടവും സൂര്യവംശി സ്വന്തമാക്കി.
മത്സര ചിത്രം
ഗുജറാത്ത് ടൈറ്റന്സിന്റെ ശുഭ്മാന് ഗില്, സായ് സുദര്ശന് എന്നിവര് റോയല് ചലഞ്ചേഴസ് ബെംഗളൂരുവിനെതിരായ ഫൈനലില് വേഗത്തില് പുറത്തായതോടെയാണ് സൂര്യവംശിയുടെ ഒന്നാം സ്ഥാനം സുനിശ്ചിതമായത്. 16 മത്സരങ്ങളില് നിന്ന് 732 റണ്സ് നേടിയ ശുഭ്മാന് ഗില് രണ്ടാം സ്ഥാനത്ത് ഫിനിഷ് ചെയ്തു.
17 മത്സരങ്ങളില് നിന്ന് 722 റണ്സ് നേടിയ സായ് സുദര്ശന് പട്ടികയില് മൂന്നാമതാണ്. ചരിത്രനേട്ടങ്ങൾ
കേവലം 15 വയസ്സും 65 ദിവസവും മാത്രം പ്രായമുള്ളപ്പോഴാണ് വൈഭവ് സൂര്യവംശി ഈ നേട്ടം കൈവരിക്കുന്നത്.
ഐപിഎല് ചരിത്രത്തില് ഓറഞ്ച് ക്യാപ് നേടുന്ന ഏറ്റവും പ്രായം കുറഞ്ഞ താരമെന്ന റെക്കോര്ഡ് ഇതോടെ സൂര്യവംശിയുടെ പേരിലായി. കൂടാതെ, വെറും 23 ഇന്നിങ്സുകളില് നിന്ന് ഐപിഎല്ലില് 1000 റണ്സ് തികയ്ക്കുന്ന ഏറ്റവും വേഗതയേറിയ ഇന്ത്യന് താരമെന്ന ബഹുമതിയും ഈ സീസണിലൂടെ താരം സ്വന്തമാക്കി.
സണ്റൈസേഴ്സ് ഹൈദരാബാദിനെതിരായ എലിമിനേറ്റര് മത്സരത്തില് 29 പന്തുകളില് നിന്ന് 97 റണ്സ് നേടി താരം പുറത്തായത് ഈ സീസണിലെ ശ്രദ്ധേയമായ പ്രകടനമായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
