സംസ്ഥാനത്തെ തീരദേശ മേഖലകളിൽ ജൂൺ 9 അർധരാത്രി മുതൽ ട്രോളിങ് നിരോധനം നിലവിൽ വരികയാണ്. മത്സ്യസമ്പത്തിന്റെ സംരക്ഷണവും പ്രജനന കാലയളവിലെ സുരക്ഷയും മുൻനിർത്തി നടപ്പിലാക്കുന്ന നിരോധനം ജൂലൈ 31 വരെ 52 ദിവസത്തേക്കായിരിക്കും നീണ്ടുനിൽക്കുക.
നിരോധന കാലയളവിൽ ട്രോൾ ബോട്ടുകൾക്കും ഇൻബോർഡ് വള്ളങ്ങൾക്കൊപ്പമുള്ള കാരിയർ വള്ളങ്ങൾക്കും കടലിൽ പ്രവേശിക്കുന്നതിന് പൂർണ്ണ വിലക്ക് ഏർപ്പെടുത്തിയിട്ടുണ്ട്. എന്നാൽ, പരമ്പരാഗത രീതിയിൽ മത്സ്യബന്ധനം നടത്തുന്നവർക്ക് ഈ നിയന്ത്രണങ്ങൾ ബാധകമല്ലെന്ന് അധികൃതർ വ്യക്തമാക്കി.
ഉത്തരവ് പ്രാബല്യത്തിൽ വരുന്നതോടെ സംസ്ഥാനത്തെ പ്രധാന ഫിഷിങ് ഹാർബറുകളുടെയും ലാൻഡിങ് സെന്ററുകളുടെയും പ്രവർത്തനം താൽക്കാലികമായി നിർത്തിവെക്കും. കൂടാതെ, ഇതര സംസ്ഥാന ബോട്ടുകൾ ജൂൺ 9-ന് മുൻപായി കേരളതീരം വിട്ടുപോകണമെന്നും കർശന നിർദ്ദേശം നൽകിയിട്ടുണ്ട്.
തൊഴിലാളികളുടെ സുരക്ഷ ഉറപ്പാക്കുന്നതിനായി ഫിഷറീസ് വകുപ്പിന്റെ നേതൃത്വത്തിൽ പ്രത്യേക കൺട്രോൾ റൂമുകൾ പ്രവർത്തനസജ്ജമാക്കും. അടിയന്തര സാഹചര്യങ്ങളെ നേരിടാനായി ലൈഫ് ഗാർഡുകളെയും പ്രത്യേക ബോട്ടുകളെയും വിന്യസിച്ചിട്ടുണ്ട്.
മത്സ്യബന്ധനം നിലയ്ക്കുന്ന ഈ കാലയളവിൽ തൊഴിലാളികൾക്കും അനുബന്ധ മേഖലയിൽ ജോലി ചെയ്യുന്നവർക്കും സൗജന്യ റേഷൻ ഉൾപ്പെടെയുള്ള ആശ്വാസ നടപടികൾ സർക്കാർ ഉറപ്പാക്കും. നിയമലംഘനം നടത്തുന്ന ബോട്ടുകൾക്കെതിരെ ലൈസൻസ് റദ്ദാക്കൽ ഉൾപ്പെടെയുള്ള കടുത്ത നിയമനടപടികളും പിഴയും ചുമത്തുമെന്ന് അധികൃതർ മുന്നറിയിപ്പ് നൽകി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
