ഉപയോഗശൂന്യമായി കിടക്കുന്ന പഴയ Android ഫോണുകൾ വ്യത്യസ്ത ആവശ്യങ്ങൾക്കായി പുനരുപയോഗിക്കുന്നത് പലരുടെയും ഹോബിയാണ്. അത്തരത്തിൽ ഒരു പഴയ Samsung Galaxy ഫോൺ ടെലിവിഷനിലേക്ക് കണക്ട് ചെയ്ത് മികച്ച ഒരു സ്ട്രീമിംഗ് ഡിവൈസ് ആക്കി മാറ്റാൻ സാധിക്കും.
ഇതിനായി ഫയർ ടിവി സ്റ്റിക്കിന്റെയോ മറ്റ് സംവിധാനങ്ങളുടെയോ സഹായം തേടേണ്ടി വരുന്നില്ല. ഫോണിലെ സ്മാർട്ട് വ്യൂ ഫീച്ചർ ഉപയോഗിച്ച് സ്ക്രീൻ മിററിംഗ് വഴിയോ കാസ്റ്റിംഗ് വഴിയോ ടെലിവിഷനുമായി ബന്ധിപ്പിക്കാവുന്നതാണ്.
ഇതിനായി ഫോണും ടിവിയും ഒരേ വൈഫൈ നെറ്റ്വർക്കിൽ പ്രവർത്തിക്കേണ്ടതുണ്ട്. എന്നാൽ കൂടുതൽ വേഗതയും സ്ഥിരതയും ആഗ്രഹിക്കുന്നവർക്ക് വയേർഡ് കണക്ഷനാണ് ഉചിതം.
ഒരു USB-C-to-HDMI കേബിൾ ഉപയോഗിച്ച് ഫോൺ നേരിട്ട് ടിവിയുമായി ബന്ധിപ്പിക്കാൻ സാധിക്കും. സോഫ്റ്റ്വെയർ മാറ്റങ്ങൾ ഫോൺ ഒരു ടിവി സ്റ്റിക്കിന്റെ രൂപത്തിൽ പ്രവർത്തിക്കാൻ പ്രൊജക്റ്റിവിറ്റി പോലുള്ള ടിവി ശൈലിയിലുള്ള ലോഞ്ചറുകൾ ആവശ്യമാണ്.
ഗൂഗിൾ പ്ലേ സ്റ്റോറിൽ നിന്ന് ഈ ആപ്പ് ഡൗൺലോഡ് ചെയ്ത് ഫോണിൽ ഇൻസ്റ്റാൾ ചെയ്യാം. മികച്ച അനുഭവത്തിനായി ഫോണിലെ ഡെവലപ്പർ ഓപ്ഷൻസ് പ്രവർത്തനക്ഷമമാക്കേണ്ടതുണ്ട്.
സെറ്റിങ്സിലെ ബിൽഡ് നമ്പറിൽ ഏഴ് തവണ വേഗത്തിൽ ടാപ്പ് ചെയ്ത് ഡെവലപ്പർ ഓപ്ഷൻസ് ആക്റ്റിവേറ്റ് ചെയ്യാം. തുടർന്ന് ‘Minimum width’ എന്ന ഓപ്ഷനിൽ പോയി അതിന്റെ മൂല്യം ‘720’ ആയി മാറ്റുക.
ഇത് ലോഞ്ചർ ക്രമീകരണങ്ങൾ എളുപ്പത്തിൽ വായിക്കാനും ടിവിക്ക് അനുയോജ്യമായ രീതിയിൽ യൂസർ ഇന്റർഫേസ് മാറ്റിയെടുക്കാനും സഹായിക്കും. കൂടാതെ, ഫോൺ ചാർജ് ചെയ്യുമ്പോൾ സ്ക്രീൻ ഓഫ് ആയിപോകാതിരിക്കാൻ ‘Stay awake’ ടോഗിൾ ഓൺ ചെയ്തു വെക്കേണ്ടതാണ്.
ഹാർഡ്വെയർ സഹായം വലിയ സ്ക്രീനിൽ ടച്ച് വഴി നാവിഗേറ്റ് ചെയ്യുന്നത് ബുദ്ധിമുട്ടായതിനാൽ ഒരു വയർലെസ് കീബോർഡും ട്രാക്ക്പാഡും ഉപയോഗിച്ച് നോക്കിയെങ്കിലും അത് അത്ര സുഗമമായിരുന്നില്ല. പിന്നീട് ഒരു പഴയ ഗെയിമിംഗ് കൺട്രോളർ ഉപയോഗിക്കുകയും, ബട്ടണുകൾ മാപ്പ് ചെയ്യാനും കഴ്സർ കസ്റ്റമൈസ് ചെയ്യാനും സഹായിക്കുന്ന ‘Gamepad Mouse’ എന്ന ആപ്പ് ഇൻസ്റ്റാൾ ചെയ്യുകയും ചെയ്തു.
ഫയർ ടിവി സ്റ്റിക്കിനെ അപേക്ഷിച്ച് ആൻഡ്രോയിഡ് ഫോൺ ടിവിയുമായി ബന്ധിപ്പിക്കുന്നതിന് നിരവധി മേന്മകളുണ്ട്. ആമസോൺ ആപ്പ് സ്റ്റോറിലെ നിയന്ത്രണങ്ങൾ ഒഴിവാക്കി ജിമെയിൽ, ഗൂഗിൾ ഫോട്ടോസ് തുടങ്ങി ഗൂഗിളിന്റെ എല്ലാ ആപ്പുകളും ഗൂഗിൾ പ്ലേ സ്റ്റോർ വഴി ടെലിവിഷനിൽ ആസ്വദിക്കാൻ ആൻഡ്രോയിഡ് ഫോണിന് സാധിക്കും.
ഫോണിന്റെ ബാറ്ററി ലൈഫ് നിലനിർത്തുന്നതിൽ ശ്രദ്ധിക്കണം എന്നതൊഴിച്ചാൽ, ഫയർ സ്റ്റിക്കിന് പകരമായി ഒരു പഴയ ഫോൺ ഉപയോഗിക്കുന്നത് വളരെ പ്രയോജനകരമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
