യൂസ്ഡ് കാർ വാങ്ങാൻ പദ്ധതി; ബാക്കി തുക എങ്ങനെ നിക്ഷേപിക്കണം? വിദഗ്ധ നിർദേശം

സാമ്പത്തിക കാര്യങ്ങളും നിക്ഷേപങ്ങളും സംബന്ധിച്ച സംശയങ്ങൾ ദൂരീകരിക്കുന്നതിനായി വായനക്കാർക്ക് വിദഗ്ധരുടെ സേവനം പ്രയോജനപ്പെടുത്താം. നിക്ഷേപവുമായി ബന്ധപ്പെട്ട

സംശയങ്ങൾ പൂർണ മേൽവിലാസം സഹിതം കത്തായോ ഇമെയിൽ വഴിയോ വാട്സാപ്പിലൂടെയോ അയക്കാവുന്നതാണ്. കോട്ടയം സ്വദേശിയായ മനോജ് പങ്കുവെച്ച സാമ്പത്തിക സംശയവും അതിനുള്ള വിദഗ്ധ മറുപടിയുമാണ് താഴെ നൽകുന്നത്.

മനോജിന്റെ ചോദ്യം: 12 ലക്ഷം രൂപ ബജറ്റിൽ പുതിയ കാർ വാങ്ങാനുള്ള തീരുമാനം മാറ്റിയിരിക്കുകയാണ്. ഇപ്പോൾ 5 ലക്ഷം രൂപ മുടക്കി ഒരു യൂസ്ഡ് കാർ വാങ്ങാമെന്നാണ് കരുതുന്നത്.

4-5 വർഷത്തിന് ശേഷം പുതിയ കാർ സ്വന്തമാക്കാനാണ് ഇപ്പോഴത്തെ ആലോചന. എങ്കിൽ, ബാക്കി വരുന്ന 7 ലക്ഷം രൂപ ഇപ്പോൾ എവിടെ നിക്ഷേപിക്കണം? വിദഗ്ധന്റെ ഉത്തരം: ഈ തീരുമാനം തികച്ചും സ്വാഗതാർഹമാണ്.

കൈവശമുള്ള 7 ലക്ഷം രൂപ ഇക്വിറ്റി അല്ലെങ്കിൽ ഡെറ്റ് ഫണ്ടുകളിൽ നിക്ഷേപിക്കാവുന്നതാണ്. നിലവിലെ വിപണി സാഹചര്യങ്ങൾ കണക്കിലെടുക്കുമ്പോൾ, ഇക്വിറ്റി ഫണ്ടുകളിൽ ഈ തുക ഒറ്റത്തവണയായി (ലംപ്സം) നിക്ഷേപിക്കാൻ നിർദേശിക്കുന്നില്ല.

പകരം, 12 മാസം കൊണ്ട് ഗഡുക്കളായി ഈ തുക ഇക്വിറ്റി ഫണ്ടിൽ നിക്ഷേപിക്കുന്നതാണ് ഉചിതം. വാർഷിക വളർച്ച നിരക്ക് 12% ലഭിക്കുകയാണെങ്കിൽ, 5 വർഷംകൊണ്ട് ഈ തുക ഏകദേശം 11.7 ലക്ഷം രൂപയായി വളരും.

ഈ നിക്ഷേപ കാലയളവിൽ പ്രതിമാസം 1,000 രൂപ കൂടി ഇതേ ഫണ്ടിൽ SIP ആയി നിക്ഷേപിക്കുകയാണെങ്കിൽ ആകെ തുക 12.5 ലക്ഷം രൂപയായി ഉയരും. ഈ തുകയും, ഇപ്പോൾ വാങ്ങുന്ന യൂസ്ഡ് കാർ ഭാവിയിൽ വിൽക്കുമ്പോൾ ലഭിക്കുന്ന തുകയും ഒരുമിച്ച് ഉപയോഗിച്ച് 5 വർഷത്തിന് ശേഷം താങ്കൾ ആഗ്രഹിക്കുന്ന പുതിയ വാഹനം വാങ്ങാൻ സാധിച്ചേക്കും.

(വിവരങ്ങൾക്ക് കടപ്പാട്: ജിയോജിത് ഫിനാൻഷ്യൽ സർവീസസ് ലിമിറ്റഡിൽ അസോഷ്യേറ്റ് ഡയറക്ടറാണ് ഡോ. ആർ.ജി.

രഞ്ജിത്)