പൾസ് പോളിയോ ഇമ്മ്യൂണൈസേഷൻ പരിപാടിയുടെ രണ്ടാം ദിനത്തിൽ സംസ്ഥാനത്തുടനീളം ആരോഗ്യപ്രവർത്തകർ വീടുകൾ സന്ദർശിച്ച് 1.3 ലക്ഷം കുട്ടികൾക്ക് വാക്സിൻ നൽകി. ഇതോടെ അഞ്ച് വയസ്സിൽ താഴെയുള്ള കുട്ടികളിൽ വാക്സിനേഷൻ പൂർത്തിയാക്കിയവരുടെ എണ്ണം 18.83 ലക്ഷമായി ഉയർന്നതായി ആരോഗ്യവകുപ്പ് മന്ത്രി കെ.മുരളീധരൻ അറിയിച്ചു.
സംസ്ഥാനത്ത് അഞ്ച് വയസ്സിൽ താഴെയുള്ള ആകെ 19.8 ലക്ഷം കുട്ടികളാണ് ഉള്ളത്. ഇതിൽ 95.1 ശതമാനം പേർക്കും ഇതിനോടകം തന്നെ വാക്സിൻ നൽകിക്കഴിഞ്ഞു.
ശേഷിക്കുന്ന ഏകദേശം ഒരു ലക്ഷത്തോളം കുട്ടികൾക്ക് കൂടി ചൊവ്വാഴ്ച വീടുകളിൽ എത്തി വാക്സിൻ നൽകുന്നതോടെ പദ്ധതിയുടെ സംസ്ഥാനതല പ്രവർത്തനങ്ങൾ പൂർത്തിയാകും. പോളിയോ വൈറസിനെ പൂർണ്ണമായും തുടച്ചുനീക്കുക എന്ന ലക്ഷ്യത്തോടെയാണ് ആരോഗ്യവകുപ്പ് വിപുലമായ തോതിൽ പ്രതിരോധ പ്രവർത്തനങ്ങൾ സംഘടിപ്പിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
