ശബരിമലയിലെ സ്വർണക്കൊള്ളയുമായി ബന്ധപ്പെട്ട കേസിൽ ദേവസ്വം ബോർഡ് മുൻ പ്രസിഡന്റ് പി.എസ്.
പ്രശാന്തിനെയും നിലവിലുണ്ടായിരുന്ന ഭരണസമിതിയെയും പ്രത്യേക അന്വേഷണ സംഘം (SIT) പ്രതിചേർത്തു. ഈ സംഭവത്തിൽ പ്രതിയാക്കപ്പെടുന്ന രണ്ടാമത്തെ ദേവസ്വം പ്രസിഡന്റും ഭരണസമിതിയുമാണിത്.
മുൻപ് പത്മകുമാർ പ്രസിഡന്റായിരുന്ന കാലത്തെ ഭരണസമിതിയെയും അന്വേഷണ സംഘം നേരത്തെ പ്രതിപ്പട്ടികയിൽ ഉൾപ്പെടുത്തിയിരുന്നു. അന്വേഷണം കൂടുതൽ ശക്തമാക്കുന്നതിന്റെ ഭാഗമായി പ്രതിപ്പട്ടിക വിപുലീകരിക്കുമെന്നും ഇതുസംബന്ധിച്ച വിവരങ്ങൾ ജൂൺ 29, 2026-ന് പ്രത്യേക അന്വേഷണ സംഘം ഹൈക്കോടതിയെ അറിയിക്കുകയും ചെയ്തു.
നിലവിൽ സ്വർണക്കൊള്ളയുമായി ബന്ധപ്പെട്ട് രണ്ട് കേസുകളാണ് രജിസ്റ്റർ ചെയ്തിട്ടുള്ളത്. ക്ഷേത്രത്തിലെ കട്ടിളപാളിയിലും ദ്വാരപാലക ശിൽപങ്ങളിലും പതിപ്പിച്ചിരുന്ന സ്വർണം കടത്തിയതുമായി ബന്ധപ്പെട്ടതാണ് ഈ കേസുകൾ.
ഇതിനു പുറമെ മൂന്നാമതൊരു കേസ് കൂടി രജിസ്റ്റർ ചെയ്യാനാണ് അന്വേഷണ സംഘത്തിന്റെ തീരുമാനം. വിശ്വാസവഞ്ചന, വ്യാജരേഖ ചമയ്ക്കൽ, ഗൂഢാലോചന എന്നീ കുറ്റങ്ങളാണ് ഇവർക്കെതിരെ ചുമത്തിയിരിക്കുന്നത്.
കേസിൽ പി.എസ്. പ്രശാന്തിന് പുറമേ സ്മാർട്സ് ക്രിയേഷൻ ഉടമ പങ്കജ് ഭണ്ഡാരി, മുൻ തന്ത്രി കണ്ഠരര് രാജീവര്, തിരുവാഭരണം കമ്മിഷണർ രജിലാൽ എന്നിവരും പ്രതിപ്പട്ടികയിലുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
