യൂട്യൂബ് പ്രീമിയം വരിക്കാർക്കായി മൂന്ന് പുതിയ പോഡ്‌കാസ്റ്റ് ഫീച്ചറുകൾ അവതരിപ്പിച്ചു

പ്രമുഖ വീഡിയോ സ്ട്രീമിംഗ് പ്ലാറ്റ്‌ഫോമായ യൂട്യൂബ്, തങ്ങളുടെ പ്രീമിയം വരിക്കാർക്കായി പോഡ്‌കാസ്റ്റ് അനുഭവം കൂടുതൽ മെച്ചപ്പെടുത്തുന്നതിനായുള്ള നടപടികൾ ഊർജ്ജിതമാക്കി. ഏപ്രില്‍ 2026-ൽ മാത്രം 800 ദശലക്ഷം മണിക്കൂറിലധികം പോഡ്‌കാസ്റ്റുകൾ യൂട്യൂബ് പ്രീമിയം വരിക്കാർ കാണുകയുണ്ടായി എന്ന് കമ്പനി ഔദ്യോഗിക ബ്ലോഗ് പോസ്റ്റിലൂടെ വ്യക്തമാക്കി.

നിലവിൽ ബാക്ക്ഗ്രൗണ്ട് പ്ലേ, ജമ്പ് അഹെഡ്, വേഗത്തിലുള്ള പ്ലേബാക്ക് തുടങ്ങിയ സൗകര്യങ്ങൾ പ്ലാറ്റ്‌ഫോമിലുണ്ട്. ഇതിനു പുറമെയാണ് മൂന്ന് പുതിയ ഫീച്ചറുകൾ കൂടി കമ്പനി ഇപ്പോൾ അവതരിപ്പിച്ചിരിക്കുന്നത്.

ഓൺ-ദ-ഗോ മോഡ് (On-the-go mode)
യാത്രകളിലും വ്യായാമ വേളകളിലും ഉപയോക്താക്കൾക്ക് കൂടുതൽ സൗകര്യപ്രദമായി പോഡ്‌കാസ്റ്റ് കേൾക്കുന്നതിനായി ഈ ഫീച്ചർ സഹായിക്കുന്നു. നടക്കുമ്പോഴോ പൊതുഗതാഗത സംവിധാനങ്ങൾ ഉപയോഗിക്കുമ്പോഴോ സ്ക്രീനിലേക്ക് നോക്കാതെ തന്നെ പോഡ്‌കാസ്റ്റുകൾ നിയന്ത്രിക്കാൻ സഹായിക്കുന്ന ‘listener-friendly controls’ ഇതിലൂടെ ലഭ്യമാകും.

സ്കിപ്പ് ചെയ്യാനും മുന്നോട്ട് നീങ്ങാനും ഇത് ഉപയോക്താക്കൾക്ക് എളുപ്പമാക്കും. ഓട്ടോ സ്പീഡ് (Auto speed)
പോഡ്‌കാസ്റ്റുകൾ കേൾക്കുമ്പോൾ കേൾവി സുഗമമാക്കാൻ ഈ സാങ്കേതികവിദ്യ സഹായിക്കുന്നു.

സംസാരത്തിന്റെ വേഗത കുറവാണെങ്കിൽ അത് ക്രമീകരിക്കാനും, വിവരങ്ങൾ കൂടുതലുള്ള ഭാഗങ്ങളിൽ വേഗത കുറച്ച് വ്യക്തത നൽകാനും ഈ ഫീച്ചറിന് സാധിക്കും. അതേസമയം, പ്ലേബാക്ക് വേഗത സ്വമേധയാ മാറ്റാനുള്ള സ്വാതന്ത്ര്യം ഉപയോക്താക്കൾക്ക് ഇപ്പോഴും ഉണ്ടായിരിക്കും.

പോഡ്‌കാസ്റ്റ് റെക്കമെൻഡേഷൻ എഐ
യൂട്യൂബിന്റെ ആസ്‌ക് മ്യൂസിക് (Ask Music) ഫീച്ചറിന് സമാനമായി, എഐ സാങ്കേതികവിദ്യ ഉപയോഗിച്ച് പോഡ്‌കാസ്റ്റുകൾ നിർദ്ദേശിക്കുന്ന സംവിധാനമാണിത്. ഉപയോക്താക്കളുടെ താൽപ്പര്യങ്ങൾ, “your current mood, or shows you already love” എന്നിവ അടിസ്ഥാനമാക്കി പുതിയ പോഡ്‌കാസ്റ്റുകൾ കണ്ടെത്താൻ ഈ ടൂൾ സഹായിക്കുന്നു.

ഈ പുതിയ സേവനങ്ങളെല്ലാം യൂട്യൂബ് പ്രീമിയം വരിക്കാർക്ക് മാത്രമായി പരിമിതപ്പെടുത്തിയിരിക്കുന്നു.