വയനാട്ടില്‍ കോടികളുടെ അന്തര്‍സംസ്ഥാന രാസലഹരി കടത്തിയ കേസില്‍ അന്വേഷണ സംഘം നിര്‍ണായക പുരോഗതി കൈവരിച്ചു. കേസിലെ അഞ്ചാം പ്രതിയായ അമല്‍ സി.ആര്‍. (26) ആണ് ഇപ്പോള്‍ പൊലീസ് പിടിയിലായിരിക്കുന്നത്.
മേപ്പാടി നത്തംകുനി ചുണ്ടേല്‍തൊടി വീട്ടിലെ താമസക്കാരനാണ് ഈ യുവാവ്. അമ്പലവയല്‍ പൊലീസ് സര്‍ക്കിള്‍ ഇന്‍സ്‌പെക്ടര്‍ ബിജു ആന്റണിയുടെ നേതൃത്വത്തിലുള്ള പ്രത്യേക സംഘമാണ് പ്രതിയെ പിടികൂടിയത്.
2026 ജൂലൈ 26-ന് അമ്പലവയല്‍ സ്റ്റേഷന്‍ പരിധിയിലെ തോമാട്ടുചാലിനടുത്ത കോട്ടൂരില്‍നിന്ന് 124.39 ഗ്രാം എം.ഡി.എം.എ.യുമായി കല്‍പ്പറ്റ മുണ്ടേരി താന്നിക്കല്‍ വീട്ടില്‍ വേണുഗോപാലിനെ (35) പൊലീസ് ആദ്യം പിടികൂടിയിരുന്നു. ഈ സംഭവവുമായി ബന്ധപ്പെട്ട് അമ്പലവയല്‍ സ്റ്റേഷനില്‍ ക്രൈം നമ്പര്‍ 587/26 ആയി എന്‍.ഡി.പി.എസ്.
ആക്ടിലെ 22(c), 29 വകുപ്പുകള്‍ പ്രകാരം കേസ് രജിസ്റ്റര്‍ ചെയ്ത് അന്വേഷണം നടത്തിവരികയായിരുന്നു. ഈ തുടരന്വേഷണത്തിലാണ് അമല്‍ സി.ആര്‍.
ലഹരിക്കടത്ത് റാക്കറ്റിലെ പ്രധാന കണ്ണിയാണെന്ന് സ്ഥിരീകരിച്ചത്. കോട്ടയം ജില്ലയിലെ ചങ്ങനാശ്ശേരി തെങ്ങണയില്‍ വാടകവീട്ടില്‍ ഒളിവില്‍ കഴിയുകയായിരുന്നു പ്രതി.
തൃക്കൊടിത്താനം പൊലീസിന്റെ സഹായത്തോടെ നടത്തിയ നീക്കത്തിനൊടുവിലാണ് ഇയാളെ വളഞ്ഞുപിടിച്ചത്. വയനാട് ജില്ലാ പൊലീസ് മേധാവി എസ്.
ദേവമനോഹര്‍ ഐ.പി.എസ്.യുടെ കര്‍ശന മേല്‍നോട്ടത്തിലാണ് നടപടികള്‍ പൂര്‍ത്തിയാക്കിയത്. നര്‍ക്കോട്ടിക് സെല്‍ ഡി.വൈ.എസ്.പി.
മനോഹരന്‍ തച്ചമ്പത്തിന്റെ നേതൃത്വത്തിലുള്ള ജില്ലാ ലഹരിവിരുദ്ധ സ്‌ക്വാഡാണ് പ്രതിയെ കണ്ടെത്താനുള്ള വിവരങ്ങള്‍ ശേഖരിച്ചത്. അമ്പലവയല്‍ സ്റ്റേഷനില്‍ എത്തിച്ച് ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്.
ഈ സംഘം തുടര്‍ച്ചയായി ഇത്തരം നിയമവിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടിരുന്നതായി തെളിവുകള്‍ ലഭിച്ചിട്ടുണ്ട്. ലഹരി വില്‍പ്പനയിലൂടെ ഇവര്‍ വന്‍ സാമ്പത്തിക നേട്ടമുണ്ടാക്കിയതായും വ്യക്തമായിട്ടുണ്ട്.
ഇതിന്റെ അടിസ്ഥാനത്തില്‍ നിക്ഷേപകര്‍ക്കും ഇടപാടുകാര്‍ക്കും എതിരെയും നിയമനടപടികള്‍ ആരംഭിച്ചിട്ടുണ്ട്. കേസന്വേഷണത്തിന്റെ ഭാഗമായി നേരത്തെയും പ്രതികള്‍ അറസ്റ്റിലായിരുന്നു.
12.10.2026-ന് കേസിലെ രണ്ടും മൂന്നും പ്രതികളായ സുല്‍ത്താന്‍ ബത്തേരി പള്ളിക്കണ്ടി നടുവില്‍പീടികയില്‍ വീട്ടില്‍ ജാസിം അലി (35), മുപ്പൈനാട് റിപ്പണ്‍ പുല്ലാട്ട് വീട്ടില്‍ മുഹമ്മദ് ജെയ്‌സല്‍ (26) എന്നിവരെയും പൊലീസ് പിടികൂടിയിരുന്നു. തുടര്‍ന്ന് 14.10.2026-ന് തോമാട്ടുചാല്‍ നരിക്കുണ്ട് കല്ലിയത്ത് വീട്ടില്‍ കെ.എസ്.
സൂര്യനാരായണനെയും (25) അന്വേഷണസംഘം അറസ്റ്റ് ചെയ്തിരുന്നു. ലഹരിമരുന്ന് വാങ്ങാന്‍ ആവശ്യമായ പണം മുടക്കിയത് ഇയാളാണെന്നാണ് പൊലീസ് കണ്ടെത്തിയത്.
നിലവില്‍ പിടിയിലായ അമല്‍ സി.ആര്‍. കോടതിയില്‍ ഹാജരാക്കിയതിനെ തുടര്‍ന്ന് 14 ദിവസത്തേക്ക് റിമാന്‍ഡ് ചെയ്തിരിക്കുകയാണ്.
മാനന്തവാടി ജില്ലാ ജയിലിലാണ് ഇപ്പോള്‍ ഇയാളെ പാര്‍പ്പിച്ചിരിക്കുന്നത്. പ്രതിയുടെ ഡിജിറ്റല്‍ തെളിവുകളും സാമ്പത്തിക ഇടപാടുകളും കേന്ദ്രീകരിച്ച് ശാസ്ത്രീയ അന്വേഷണം ഊര്‍ജ്ജിതമാക്കിയിട്ടുണ്ട്.
ലഹരി ശൃംഖലയുടെ വേരറുക്കാനുള്ള കര്‍ശന നടപടികളിലാണ് അന്വേഷണ സംഘം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
