പാക്കിസ്ഥാന്റെ ആണവായുധ ശേഖരം സ്ഥിരീകരിക്കുന്ന കിരാന ഹിൽസ് പ്രദേശത്ത് ഇന്ത്യൻ ഡ്രോൺ പതിച്ച സംഭവത്തിലെ ദുരൂഹത നീക്കി മുൻ ചീഫ് ഓഫ് ഡിഫൻസ് സ്റ്റാഫ് (സിഡിഎസ്) ജനറൽ അനിൽ ചൗഹാൻ രംഗത്ത്. കിരാന ഹിൽസിൽ ഇന്ത്യൻ ഡ്രോൺ പതിച്ചുവെന്ന കാര്യം സ്ഥിരീകരിച്ച അദ്ദേഹം, എന്നാൽ ഇത് യാതൊരുവിധത്തിലും മനഃപൂർവമുള്ള ആക്രമണമായിരുന്നില്ലെന്നും വ്യക്തമാക്കുകയുണ്ടായി.
കിരാന ഹിൽസിൽ ഇന്ത്യൻ സൈന്യം യാതൊരുവിധ ആക്രമണവും നടത്തിയിട്ടില്ലെന്ന അന്നത്തെ ഡയറക്ടർ ജനറൽ ഓഫ് എയർ ഓപ്പറേഷൻസ് എയർ മാർഷൽ എ.കെ.ഭാരതി നൽകിയ വിശദീകരണം തികച്ചും ശരിയായിരുന്നുവെന്ന് ജനറൽ അനിൽ ചൗഹാൻ കൂട്ടിച്ചേർത്തു. ‘‘ഓപ്പറേഷൻ സിന്ദൂർ ദൗത്യത്തിനിടയിൽ പാക്കിസ്ഥാനിലെ സർഗോധ വ്യോമതാവളത്തിലേക്കും അതിന് 10 കിലോമീറ്റർ വടക്കുഭാഗത്തുള്ള കിരാന ഹിൽസ് മേഖലയിലേക്കും ഇന്ത്യ ഡ്രോണുകൾ അയച്ചിരുന്നു.
പാക്ക് റഡാറുകളുടെ സാന്നിധ്യം കണ്ടെത്താനായി ഇന്ത്യയുടെ ഇസ്രയേൽ നിർമിത ഹാരോപ് ഡ്രോണുകൾ കിരാന ഹിൽസിന് സമീപം ശക്തമായ തിരച്ചിൽ നടത്തിവരികയായിരുന്നു. ഇത്തരം ഡ്രോണുകൾക്ക് കൃത്യമായ പ്രവർത്തന സമയമുണ്ട്.
ഏകദേശം രണ്ട് മണിക്കൂറോളം ഈ പ്രദേശത്ത് വട്ടമിട്ട് പറന്നതിനുശേഷം, ഇന്ധനം പൂർണ്ണമായും തീർന്നതിനെ തുടർന്ന് ഡ്രോൺ ആ കുന്നുകളിൽ ഒന്നിലേക്ക് നിയന്ത്രണം വിട്ട് ഇടിച്ചിറങ്ങുകയായിരുന്നു.’’ – ജനറൽ അനിൽ ചൗഹാൻ വ്യക്തമാക്കി. കൂടാതെ, പാക്ക് അധീന കശ്മീരിലെ (പിഒകെ) സ്കർദുവിലുള്ള ലക്ഷ്യം ആക്രമിക്കുന്നതിനായി ഇന്ത്യൻ വ്യോമസേനയ്ക്ക് ഔദ്യോഗിക അനുമതി ലഭിച്ചിരുന്നുവെന്നും അദ്ദേഹം സ്ഥിരീകരിച്ചു.
എന്നാൽ പെട്ടെന്നുണ്ടായ മോശം കാലാവസ്ഥയെ തുടർന്ന് ആ ദൗത്യം ഉപേക്ഷിക്കുകയായിരുന്നുവെന്നും, തുടർന്ന് ഭോലാരി വ്യോമതാവളം ലക്ഷ്യമാക്കി നീങ്ങുകയായിരുന്നുവെന്നും അദ്ദേഹം വെളിപ്പെടുത്തി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
