ദേശീയ വനിതാ കമ്മിഷൻ അംഗമായി നിയമിക്കപ്പെട്ടതിൽ സന്തോഷം: നിവേദിത സുബ്രഹ്മണ്യം

ദേശീയ വനിതാ കമ്മിഷൻ അംഗമായി കേന്ദ്ര സർക്കാർ നിയമിച്ച മഹിള മോർച്ച മുൻ സംസ്ഥാന അധ്യക്ഷയും തൃശൂർ നോർത്ത് ജില്ലാ പ്രസിഡന്റുമായ നിവേദിത സുബ്രഹ്മണ്യം പുതിയ ചുമതലയെക്കുറിച്ചുള്ള തന്റെ നിലപാടുകൾ വ്യക്തമാക്കുന്നു. വനിതാ കമ്മിഷൻ അംഗമായി തിരഞ്ഞെടുക്കപ്പെട്ട

ഈ പദവിയെ എങ്ങനെ നോക്കിക്കാണുന്നു എന്ന ചോദ്യത്തിന് അവർ നൽകിയ മറുപടി ഇങ്ങനെ: “സ്ത്രീകൾക്ക് വേണ്ടി ഇടപെടൽ നടത്താനും അവർക്ക് വേണ്ടിയുള്ള സംരക്ഷണം ഉറപ്പാക്കാനുമുള്ള ഒരു സംവിധാനത്തിന്റെ ചുമതലയാണ് ലഭിച്ചിരിക്കുന്നത്. വനിതാ കമ്മിഷന്റെ എല്ലാ ഉത്തരവാദിത്തങ്ങളും ഗൗരവത്തോടെ കാണുന്നു.

നിരവധി കാര്യങ്ങൾ ചെയ്യാൻ കഴിയുമെന്നാണ് പ്രതീക്ഷിക്കുന്നത്. കേരളത്തിൽ നിന്നൊരു പ്രതിനിധിയായി പ്രവർത്തിക്കാൻ സാധിക്കുന്നത് നേട്ടം തന്നെയായി കരുതുന്നു.” പദവി അപ്രതീക്ഷിതമായിരുന്നോ എന്ന ചോദ്യത്തിന്, അത് തികച്ചും അപ്രതീക്ഷിതമായിരുന്നുവെന്നും എന്നാൽ അപേക്ഷ സമർപ്പിക്കാൻ തന്നോട് ആവശ്യപ്പെട്ടിരുന്നുവെന്നും അവർ വ്യക്തമാക്കി.

എങ്കിലും പദവി ലഭിക്കുമെന്ന് യാതൊരു ഉറപ്പുമുണ്ടായിരുന്നില്ലെന്നും കഴിഞ്ഞ ദിവസമാണ് അപേക്ഷ സമർപ്പിച്ചതെന്നും നിവേദിത സുബ്രഹ്മണ്യം കൂട്ടിച്ചേർത്തു. ഈ നിയമനത്തിന് കേന്ദ്ര നിർദ്ദേശമാണോ അതോ സംസ്ഥാന ഘടകം അറിയിച്ചിട്ടാണോ അപേക്ഷ സമർപ്പിച്ചത് എന്ന കാര്യത്തിൽ, സംസ്ഥാന ഘടകത്തിന്റെ സമ്മതമില്ലാതെ ഇതൊന്നും ചെയ്യാൻ കഴിയില്ലെന്നും എല്ലാ ഘടകങ്ങളുടെയും അനുവാദം ആവശ്യമാണെന്നും അവർ വ്യക്തമാക്കി.

സജീവ രാഷ്ട്രീയത്തിൽ നിന്ന് മാറിനിൽക്കേണ്ടി വരുമോയെന്ന ചോദ്യത്തിന്, കക്ഷി രാഷ്ട്രീയത്തെക്കാൾ ഉപരി മഹിള മോർച്ച അധ്യക്ഷ എന്ന നിലയിൽ സ്ത്രീകൾക്ക് വേണ്ടിയുള്ള പ്രവർത്തനങ്ങളിലാണ് താൻ കൂടുതൽ ശ്രദ്ധ കേന്ദ്രീകരിച്ചിരുന്നതെന്നും ഏറ്റവും താൽപര്യമുള്ള മേഖല അതതാണെന്നും അവർ പറഞ്ഞു. സമൂഹത്തെ സേവിക്കുക എന്നതാണ് തന്നെയ സംബന്ധിച്ചിടത്തോളം രാഷ്ട്രീയം.

ഡൽഹിയിലും ബിഹാറിലും തുടർച്ചയായി ബലാത്സംഗങ്ങൾ റിപ്പോർട്ട് ചെയ്യപ്പെടുന്ന പശ്ചാത്തലത്തിൽ, സ്ത്രീകൾക്കെതിരെയുള്ള അതിക്രമങ്ങൾ വർദ്ധിക്കുന്ന കാലഘട്ടത്തിലാണ് ഈ പദവി തേടിയെത്തിയിരിക്കുന്നത്. ഗൗരവമായ സാഹചര്യങ്ങൾ നിലനിൽക്കുന്ന ഒരു കാലഘട്ടത്തിലാണ് ഈ പദവി ഏറ്റെടുക്കുന്നത്.

അത് തന്റെ ഉത്തരവാദിത്തമായി കാണുന്നുവെന്നും കേരളീയ സ്ത്രീ സമൂഹത്തിന്റെ പ്രാർത്ഥന ഒപ്പമുണ്ടാകുമെന്നാണ് പ്രതീക്ഷയെന്നും അവർ വ്യക്തമാക്കി. സൈബർ അതിക്രമങ്ങളെക്കുറിച്ച് അടുത്തിടെ സംസ്ഥാന മന്ത്രിസഭയിലെ ഒരു വനിതാ മന്ത്രി തുറന്നുപറഞ്ഞതിനെക്കുറിച്ച് ചോദിച്ചപ്പോൾ, സൈബർ അതിക്രമങ്ങളെ ഗൗരവത്തോടെ കാണുമെന്ന് നിവേദിത സുബ്രഹ്മണ്യം വ്യക്തമാക്കി.

സ്ത്രീകൾ നിരവധി വെല്ലുവിളികൾ നേരിടുന്നുണ്ടെന്നും ലക്ഷ്യബോധമില്ലാതെ പോകുന്ന ധാരാളം സ്ത്രീകൾ സമൂഹത്തിലുണ്ടെന്നും അവർ ഓർമ്മിപ്പിച്ചു. സ്ത്രീയിലേക്കുള്ള വഴിയായി പുരുഷനെ താൻ കാണുന്നില്ലെന്നും പുരുഷനും സ്ത്രീയും തമ്മിൽ വലിയ അന്തരമുണ്ടെന്നും അവർ കൂട്ടിച്ചേർത്തു.

സ്ത്രീയെ എങ്ങനെയാണ് അംഗീകരിക്കേണ്ടത് എന്ന ചിന്ത പുരുഷന്മാർക്കിടയിൽ ഉണ്ടാകേണ്ടതുണ്ട്.