മുനമ്പം ഭൂമി വിഷയത്തിൽ പ്രതിപക്ഷ നേതാവ് വി.ഡി. സതീശൻ ഉന്നയിച്ച ആരോപണങ്ങൾക്ക് മറുപടിയുമായി മുൻ മന്ത്രി പി.
രാജീവ് രംഗത്തെത്തി. പ്രദേശവാസികളുടെ ഭൂമി സംരക്ഷിക്കണമെന്നത് എൽഡിഎഫ് സർക്കാരിന്റെ കൃത്യമായ നിലപാടാണെന്നും, എന്നാൽ കോടതി ആ നിലപാട് അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.
ഭൂമി വഖഫ് സ്വത്താണെന്ന് തെളിയുകയാണെങ്കിൽ ഫാറൂഖ് കോളേജിന് പകരം ഭൂമി നൽകണമെന്ന നിർദേശമാണ് അദ്ദേഹം മുന്നോട്ട് വെച്ചത്. പ്രശ്നപരിഹാരത്തിന് ദ്രുതഗതിയിലുള്ള നടപടികൾ സാധ്യമല്ലെങ്കിൽ, സി.എൻ.
രാമചന്ദ്രൻ കമ്മീഷൻ സമർപ്പിക്കുന്ന നിർദേശങ്ങൾ സർക്കാർ അംഗീകരിച്ച് മുന്നോട്ട് പോകണമെന്നും പി. രാജീവ് ആവശ്യപ്പെട്ടു.
കമ്മീഷന്റെ റിപ്പോർട്ട് പ്രകാരം നടപടികൾ സ്വീകരിക്കുന്നത് നിയമപരമായി കോടതിയിൽ സർക്കാരിന് ഗുണകരമാകുമെന്നും അദ്ദേഹം വ്യക്തമാക്കി. നേരത്തെ, മുൻ സർക്കാർ പോകുന്ന വഴിയിൽ വഖഫ് ബോർഡിനെ ഉപയോഗിച്ച് മനപ്പൂർവം തടസങ്ങൾ സൃഷ്ടിച്ചെന്നും, പത്ത് മിനിറ്റിനുള്ളിൽ പരിഹരിക്കേണ്ട
വിഷയങ്ങൾ സങ്കീർണ്ണമാക്കിയെന്നുമാണ് മുഖ്യമന്ത്രിയും പ്രതിപക്ഷ നേതാവും ആരോപിച്ചിരുന്നത്. എന്നാൽ, മുനമ്പത്തുള്ളവരെ സർക്കാർ കുടിയൊഴിപ്പിക്കില്ലെന്ന് ഉറപ്പുനൽകിയ മുഖ്യമന്ത്രി, വർഗീയ ധ്രുവീകരണത്തിനാണ് സംഘപരിവാറും സിപിഎമ്മും ശ്രമിക്കുന്നതെന്ന് കുറ്റപ്പെടുത്തിയിരുന്നു.
രത്തൻ ഖേൽക്കറുടെ നിയമനത്തെക്കുറിച്ചും പി. രാജീവ് തന്റെ നിലപാട് വ്യക്തമാക്കി.
തിരഞ്ഞെടുപ്പ് സുതാര്യതയെ ബാധിക്കുന്ന തരത്തിലുള്ള നിയമനമാണിതെന്ന് അദ്ദേഹം വിമർശിച്ചു. മുഖ്യമന്ത്രിക്ക് ഏറ്റവും വിശ്വാസമുള്ള ഉദ്യോഗസ്ഥനെ ഇത്തരം സ്ഥാനങ്ങളിൽ നിയമിക്കുന്നത് ശരിയായ കീഴ്വഴക്കമല്ലെന്ന് അദ്ദേഹം പറഞ്ഞു.
മലയിടംതുരുത്ത് വിഷയത്തിലും സർക്കാർ സ്വീകരിക്കേണ്ട നടപടികളെക്കുറിച്ച് പി.
രാജീവ് വിശദീകരിച്ചു. 19 ഏക്കർ വരുന്ന ഭൂമിയിൽ കൃത്യമായ സർവേ നടത്തിയാൽ മാത്രമേ വസ്തുതകൾ പുറത്തുവരികയുള്ളൂവെന്നും, ബാലപ്രയോഗങ്ങൾ നടന്നോ എന്ന് പരിശോധിക്കണമെന്നും അദ്ദേഹം ആവശ്യപ്പെട്ടു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
