നീറ്റ് പരീക്ഷാ ചോദ്യപ്പേപ്പർ ചോർച്ചാ വിവാദത്തിൽ പ്രതികരണവുമായി പ്രധാനമന്ത്രി നരേന്ദ്ര മോദി രംഗത്ത്. സമൂഹമാധ്യമങ്ങളിലൂടെ പങ്കുവെച്ച വീഡിയോ സന്ദേശത്തിലാണ് പ്രധാനമന്ത്രി ഇക്കാര്യം വ്യക്തമാക്കിയത്.
പരീക്ഷാ ക്രമക്കേടുകൾക്കും ചോർച്ചകൾക്കും എതിരായി കുറ്റക്കാർക്ക് കടുത്ത ശിക്ഷ ഉറപ്പാക്കുന്നതിനുള്ള പുതിയ ബില്ല് അടുത്തയാഴ്ച പാർലമെന്റിൽ അവതരിപ്പിക്കുമെന്ന് അദ്ദേഹം അറിയിച്ചു. ചോദ്യപ്പേപ്പർ ചോർച്ചയുമായി ബന്ധപ്പെട്ട് ഇന്ന് ചേരുന്ന കേന്ദ്ര മന്ത്രിസഭാ യോഗത്തിൽ കൂടുതൽ കർശനമായ നടപടികൾ സ്വീകരിക്കുമെന്നും പ്രധാനമന്ത്രി കൂട്ടിച്ചേർത്തു.
എന്നാൽ, വിവാദങ്ങൾക്കിടെ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജിയെക്കുറിച്ച് വീഡിയോ സന്ദേശത്തിൽ യാതൊരു പരാമർശവും ഉണ്ടായിരുന്നില്ല. ചോദ്യപ്പേപ്പർ ചോർച്ച സാധാരണമായ ഒരു സംഭവമല്ലെന്നും ഇത് ദശലക്ഷക്കണക്കിന് വിദ്യാർത്ഥികളെയും അവരുടെ മാതാപിതാക്കളെയും കടുത്ത മാനസിക വേദനയിലാഴ്ത്തിയെന്നും നരേന്ദ്ര മോദി വ്യക്തമാക്കി.
വിദ്യാർത്ഥികളുടെ കരിയറിലെ വിലയേറിയ ഒരു വർഷം നഷ്ടപ്പെടാതിരിക്കാനുള്ള മുൻകരുതലുകൾ സർക്കാർ സ്വീകരിച്ചിട്ടുണ്ട്. ചോദ്യപ്പേപ്പർ ചോർച്ചയെത്തുടർന്ന് ചുരുങ്ങിയ സമയത്തിനുള്ളിൽ പുനർപരീക്ഷ നടത്തി കഴിഞ്ഞ മാസം 19-ാം തീയതി പരീക്ഷാഫലം പ്രസിദ്ധീകരിക്കാൻ സാധിച്ചതായും അദ്ദേഹം ഓർമ്മിപ്പിച്ചു.
അത്തരം കുറ്റകൃത്യങ്ങളിൽ ഏർപ്പെടുന്നവർക്കെതിരെ അതിവേഗത്തിൽ നിയമനടപടികൾ പൂർത്തിയാക്കുന്നതിനായി ഫാസ്റ്റ് ട്രാക്ക് കോടതികൾ രൂപീകരിക്കാൻ നിർദ്ദേശം നൽകിയിട്ടുണ്ടെന്നും പ്രധാനമന്ത്രി വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
