കൊളസ്ട്രോൾ നിയന്ത്രിക്കാം: ജീവിതശൈലിയിൽ വരുത്തേണ്ട മാറ്റങ്ങൾ എന്തൊക്കെ?

രക്തത്തിലെ കൊളസ്ട്രോളിന്റെ അളവ് ആരോഗ്യത്തെ നിർണ്ണയിക്കുന്നതിൽ പ്രധാന പങ്കുവഹിക്കുന്നു. പ്രധാനമായും രണ്ട് തരത്തിലുള്ള കൊളസ്ട്രോളുകളാണ് ശരീരത്തിലുള്ളത്.

എച്ച്ഡിഎൽ (HDL) എന്നറിയപ്പെടുന്ന ‘നല്ല’ കൊളസ്ട്രോളും എൽഡിഎൽ (LDL) എന്ന പേരിൽ അറിയപ്പെടുന്ന ‘ചീത്ത’ കൊളസ്ട്രോളും. ശരീരത്തിൽ ചീത്ത കൊളസ്ട്രോളിന്റെ അളവ് വർദ്ധിക്കുന്നത് ധമനികളിലൂടെയുള്ള രക്തയോട്ടത്തെ തടസ്സപ്പെടുത്തുന്നതിനും, രക്തം കട്ടപിടിക്കുന്നതിനും കാരണമാകുന്നു.

ഇത് കാലക്രമേണ ഗുരുതരമായ ഹൃദയാഘാതത്തിലേക്ക് നയിച്ചേക്കാം. കൊളസ്ട്രോൾ ആരോഗ്യകരമായ രീതിയിൽ നിയന്ത്രിക്കാൻ ശ്രദ്ധിക്കേണ്ട

കാര്യങ്ങൾ താഴെ പറയുന്നവയാണ്. ഭക്ഷണക്രമത്തിലെ മാറ്റങ്ങൾ
സാച്ചുറേറ്റഡ്, ട്രാൻസ് ഫാറ്റ് അടങ്ങിയ ഭക്ഷണങ്ങളുടെ ഉപയോഗം പരമാവധി കുറയ്ക്കുക.

റെഡ് മീറ്റ്, കൊഴുപ്പുകൂടിയ പാലുൽപ്പന്നങ്ങൾ, ബേക്കറി പലഹാരങ്ങൾ എന്നിവ ഒഴിവാക്കി, പകരം ഒലിവ് ഓയിൽ, അവക്കാഡോ, നട്‌സ് തുടങ്ങിയവ ഭക്ഷണത്തിൽ ഉൾപ്പെടുത്തുന്നത് ഗുണകരമാണ്. കൂടാതെ, ഓട്സ്, ബാർലി, ബീൻസ്, പയർ വർഗ്ഗങ്ങൾ തുടങ്ങിയ ലയിക്കുന്ന നാരുകൾ അടങ്ങിയ ഭക്ഷണങ്ങൾ കഴിക്കുന്നത് ദഹനനാളത്തിൽ കൊളസ്ട്രോൾ ആഗിരണം ചെയ്യപ്പെടുന്നത് തടയാൻ സഹായിക്കും.

അയല, സാൽമൺ തുടങ്ങിയ കൊഴുപ്പുള്ള മത്സ്യങ്ങൾ, ഫ്ളാക്സ് സീഡുകൾ, വാൽനട്ട് എന്നിവയിൽ അടങ്ങിയിരിക്കുന്ന ഒമേഗ-3 ഫാറ്റി ആസിഡുകൾ ട്രൈഗ്ലിസറൈഡുകൾ കുറയ്ക്കാനും എച്ച്ഡിഎൽ വർദ്ധിപ്പിക്കാനും അത്യന്താപേക്ഷിതമാണ്. ജീവിതശൈലി ക്രമീകരണം
വ്യായാമം: ആഴ്ചയിൽ കുറഞ്ഞത് അഞ്ച് ദിവസമെങ്കിലും 30 മിനിറ്റ് വീതം വേഗത്തിലുള്ള നടത്തം, സൈക്ലിംഗ്, നീന്തൽ തുടങ്ങിയ വ്യായാമങ്ങളിൽ ഏർപ്പെടുന്നത് ശീലമാക്കുക.

ഇത് കൊളസ്ട്രോൾ നില ക്രമപ്പെടുത്താൻ സഹായിക്കും. ശരീരഭാരം നിയന്ത്രിക്കുക: ആരോഗ്യകരമായ ഭാരം നിലനിർത്താൻ ശ്രദ്ധിക്കുക.

ചെറിയ അളവിലുള്ള ശരീരഭാരം കുറയ്ക്കുന്നത് പോലും മൊത്തത്തിലുള്ള ലിപിഡ് പ്രൊഫൈൽ ഗണ്യമായി മെച്ചപ്പെടുത്തും. മാനസിക സമ്മർദ്ദവും ഉറക്കവും: വിട്ടുമാറാത്ത സമ്മർദ്ദം കൊളസ്ട്രോളിനെ പ്രതികൂലമായി ബാധിക്കുന്നു.

യോഗ, ധ്യാനം തുടങ്ങിയവ ശീലിക്കുന്നത് സമ്മർദ്ദം കുറയ്ക്കാനും മികച്ച ഉറക്കം ലഭിക്കാനും സഹായിക്കും. പുകവലി ഉപേക്ഷിക്കുക: പുകവലി ഉപേക്ഷിക്കുന്നത് എച്ച്ഡിഎൽ കൊളസ്ട്രോൾ വർദ്ധിപ്പിക്കാൻ സഹായിക്കും.

പുകയിലയിലെ രാസവസ്തുക്കൾ രക്തക്കുഴലുകളെ തകരാറിലാക്കുകയും എച്ച്ഡിഎൽ കുറച്ച് എൽഡിഎൽ, ട്രൈഗ്ലിസറൈഡുകൾ വർദ്ധിപ്പിക്കുകയും ചെയ്യുന്നു. പുകവലി ഉപേക്ഷിക്കുന്നതിലൂടെ ഹൃദ്രോഗ സാധ്യത പകുതിയായി കുറയുന്നതായി പഠനങ്ങൾ സൂചിപ്പിക്കുന്നു.