മലപ്പുറം ജില്ലയിലെ എടക്കരയിൽ പ്രവർത്തിക്കുന്ന ഗൈഡൻസ് പബ്ലിക് സ്കൂളിൽ തീപിടിത്തമുണ്ടായി. ഇന്ന് രാത്രി ഏഴരയോടെയാണ് അപ്രതീക്ഷിത അപകടം സംഭവിച്ചത്.
സ്കൂൾ കെട്ടിടത്തിലെ സ്റ്റോർ റൂമിലാണ് തീ പടർന്നുപിടിച്ചത്. പ്രാഥമിക നിഗമനങ്ങളുടെ അടിസ്ഥാനത്തിൽ ഷോർട്ട് സർക്യൂട്ടാണ് ദുരന്തകാരണമെന്നാണ് വിവരം.
സംഭവത്തിൽ സ്കൂളിലെ സോളാർ അനുബന്ധ ഉപകരണങ്ങൾ ഉൾപ്പെടെയുള്ള സാധനസാമഗ്രികൾ പൂർണ്ണമായി കത്തിനശിച്ചു. സ്ഥലത്ത് തീ പടരുന്നത് ശ്രദ്ധയിൽപ്പെട്ടതിനെ തുടർന്ന് നാട്ടുകാരാണ് ഉടൻ തന്നെ ഫയർഫോഴ്സിനെ വിവരമറിയിച്ചത്.
വിവരമറിഞ്ഞയുടൻ സ്ഥലത്തെത്തിയ ഫയർഫോഴ്സ് ഉദ്യോഗസ്ഥർ തീയണയ്ക്കാനുള്ള തീവ്രശ്രമം നടത്തി സാഹചര്യം നിയന്ത്രണവിധേയമാക്കി. ഭാഗ്യവശാൽ വൻ ദുരന്തം ഒഴിവായ ഈ അപകടത്തിൽ ആർക്കും ആളപായം സംഭവിച്ചിട്ടില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
