സംസ്ഥാനത്ത് സ്വര്ണവിലയില് തുടര്ച്ചയായ ചാഞ്ചാട്ടങ്ങള് തുടരുന്നതിനിടയിൽ ഇന്ന് ഗണ്യമായ വര്ധന രേഖപ്പെടുത്തി. 640 രൂപയാണ് ഒരു പവന് സ്വര്ണത്തിന് ഇന്ന് വര്ധിച്ചത്.
കൂടാതെ ഗ്രാമിന് 80 രൂപയും ഇന്ന് ഇടിവില്ലാതെ ഉയര്ന്നിട്ടുണ്ട്. ഇന്നലെ രണ്ട് തവണയായി സ്വര്ണവിലയില് മാറ്റങ്ങള് സംഭവിച്ചിരുന്നു.
ഇന്നലെ രാവിലെ വില ഉയരുകയും തുടര്ന്ന് ഉച്ചയ്ക്ക് ശേഷം കുറയുകയും ചെയ്തിരുന്നു. ഇതിന് ശേഷമാണ് ഇന്ന് രാവിലെയോടെ വിപണിയില് വില വീണ്ടും കുതിച്ചുയര്ന്നത്.
ഇന്ന് 22 കാരറ്റ് സ്വര്ണത്തിന് 14,135 രൂപയാണ് വിപണി നിരക്ക്. ഇതോടെ ഒരു പവന് സ്വര്ണത്തിന്റെ വില 1,13,080 രൂപയായി ഉയര്ന്നു.
അതേസമയം, വിപണിയില് ഇന്ന് വെള്ളിയുടെ വിലയില് കുറവാണ് രേഖപ്പെടുത്തിയിട്ടുള്ളത്. ഒരു ഗ്രാം വെള്ളിക്ക് 255 രൂപയും 10 ഗ്രാം വെള്ളിക്ക് 2550 രൂപയുമാണ് ഇന്നത്തെ നിരക്ക്.
കഴിഞ്ഞ ആഴ്ചകളിലായി സ്വര്ണവിലയില് വലിയ തോതിലുള്ള ഏറ്റക്കുറച്ചിലുകളാണ് ദൃശ്യമാകുന്നത്. ലോകത്തിലെ ഏറ്റവും വലിയ സ്വര്ണ ഉപഭോക്താക്കളില് ഒന്നായ ഇന്ത്യയിലേക്ക് ഓരോ വര്ഷവും ടണ് കണക്കിന് സ്വര്ണമാണ് ഇറക്കുമതി ചെയ്യപ്പെടുന്നത്.
അന്താരാഷ്ട്ര വിപണിയിലുണ്ടാകുന്ന ചലനങ്ങള് സ്വാഭാവികമായും കേരളത്തിലെ വിപണിയിലും പ്രതിഫലിക്കാറുണ്ട്. എങ്കിലും ആഗോള വിപണിയില് വില ഉയരുമ്പോള് എപ്പോഴും കേരളത്തിലും അതേ രീതിയില് വില കൂടണമെന്നില്ലെന്നതും വിപണി വിദഗ്ധര് വ്യക്തമാക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
