കൊച്ചി മെട്രോയുടെ പേരുമാറ്റവുമായി ബന്ധപ്പെട്ട വിവാദങ്ങളിൽ പ്രതികരിച്ച് ഹൈബി ഈഡൻ എംപി രംഗത്ത്.
വിഷയത്തിൽ മുഖ്യമന്ത്രി നിലപാട് വ്യക്തമാക്കിയിട്ടുണ്ടെന്നും നിലവിലുള്ള ആശങ്കകൾ പരിഹരിക്കപ്പെട്ടിട്ടുണ്ടെന്നും അദ്ദേഹം കൊച്ചിയിൽ മാധ്യമങ്ങളോട് പറഞ്ഞു. കേന്ദ്ര സർക്കാരിന്റെ ഭാഗത്തുനിന്നും ഇത്തരത്തിലുള്ള ഔദ്യോഗിക നിർദ്ദേശങ്ങളൊന്നും വന്നിട്ടുണ്ടോയെന്ന് തനിക്ക് അറിവില്ലെന്ന് അദ്ദേഹം വ്യക്തമാക്കി.
കേരളം മെട്രോ റെയിൽ എന്ന് പേര് മാറ്റിയാൽ അത് വലിയ ആശയക്കുഴപ്പങ്ങൾക്ക് ഇടയാക്കുമെന്നും അദ്ദേഹം ചൂണ്ടിക്കാട്ടി. ഒരു ശക്തമായ ബ്രാൻഡ് ഐഡന്റിറ്റിയായി ഇതിനകം തന്നെ കെഎംആർഎൽ (KMRL) വളർന്നു കഴിഞ്ഞിട്ടുണ്ടെന്നും, ഈ വളർച്ചയെ തകർക്കാൻ ബോധപൂർവ്വമായ ചില ശ്രമങ്ങൾ നടക്കുന്നുണ്ടെന്നും അദ്ദേഹം കുറ്റപ്പെടുത്തി.
സംസ്ഥാന സർക്കാർ ഈ വിഷയത്തിൽ തികച്ചും ഉചിതമായ തീരുമാനങ്ങൾ കൈക്കൊള്ളുമെന്നാണ് താൻ പ്രതീക്ഷിക്കുന്നതെന്നും ഹൈബി ഈഡൻ കൂട്ടിച്ചേർത്തു. നിലവിലുള്ള ആശങ്കകൾക്ക് യാതൊരുവിധ അടിസ്ഥാനവുമില്ലെന്നും അദ്ദേഹം വ്യക്തമാക്കുകയുണ്ടായി.
കൊച്ചി മെട്രോയുടെ പേര് മാറ്റാനുള്ള നീക്കങ്ങൾക്കെതിരെ നേരത്തെ തന്നെ വിവിധ കോണുകളിൽ നിന്ന് എതിർപ്പുകൾ ഉയർന്നിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
