കുറഞ്ഞ നിരക്കിൽ മികച്ച സേവനവുമായി ഗൂഗിൾ ഫൈ; പ്രൊമോഷണൽ ഓഫറുകൾ പ്രഖ്യാപിച്ചു

പുതിയ വയർലെസ് കാരിയർ തേടുന്ന ഉപയോക്താക്കൾക്കായി ആകർഷകമായ ഓഫറുകളുമായി Google Fi രംഗത്ത്. ഒരു ദശാചേദത്തിലേറെയായി വിപണിയിൽ സജീവമായി നിൽക്കുന്ന ഈ പ്രമുഖ ബ്രാൻഡ്, തങ്ങളുടെ സേവനങ്ങൾ കൂടുതൽ ഉപഭോക്തൃ സൗഹൃദമാക്കുന്നതിന്റെ ഭാഗമായി വിവിധ വയർലെസ് പ്ലാനുകൾക്ക് വൻ വിലക്കുറവാണ് പ്രഖ്യാപിച്ചിരിക്കുന്നത്.

പുതിയ മാറ്റങ്ങളോടെ സേവന നിരക്കുകൾ പ്രതിമാസം $9 ആയി കുറഞ്ഞിട്ടുണ്ട്. പുതിയ ഉപഭോക്താക്കൾക്ക് സ്വന്തം സ്മാർട്ട്ഫോൺ തന്നെ ഈ സേവനത്തിനായി ഉപയോഗിക്കാം എന്നതാണ് ഇതിന്റെ പ്രധാന പ്രത്യേകത.

ഉപയോക്താക്കളുടെ ആവശ്യങ്ങൾ മുൻനിർത്തി മൂന്ന് വ്യത്യസ്ത പ്ലാനുകളാണ് Google Fi ഇപ്പോൾ ലഭ്യമാക്കിയിട്ടുള്ളത്. അമേരിക്കയ്ക്കുള്ളിൽ അൺലിമിറ്റഡ് കോളുകളും സന്ദേശങ്ങളും നൽകുന്നതോടൊപ്പം 30GB ഹൈ-സ്പീഡ് ഡാറ്റ കൂടി ഉൾപ്പെടുന്നതാണ് ഏറ്റവും അടിസ്ഥാനപരമായ ‘അൺലിമിറ്റഡ് എസൻഷ്യൽസ്’ പ്ലാൻ.

കൂടാതെ ചില സ്മാർട്ട് വാച്ചുകൾ യാതൊരു അധിക ചെലവുമില്ലാതെ ഇതിലൂടെ കണക്റ്റ് ചെയ്യാനും സാധിക്കും. ഡാറ്റാ പരിധി 50GB ആയി ഉയർത്തുന്നതിനൊപ്പം 25GB ഹോട്ട്‌സ്പോട്ട് ഡാറ്റയും കാനഡ, മെക്സിക്കോ എന്നിവിടങ്ങളിലെ അന്താരാഷ്ട്ര ഡാറ്റാ സേവനങ്ങളും ഉൾക്കൊള്ളുന്നതാണ് ‘അൺലിമിറ്റഡ് സ്റ്റാൻഡർർഡ്’ പ്ലാൻ.

എന്നാൽ ഉയർന്ന ആവശ്യക്കാുള്ളവർക്കായുള്ള ‘അൺലിമിറ്റഡ് പ്രീമിയം’ പ്ലാനിൽ ഡാറ്റാ പരിധി 100GB ആയും ഹോട്ട്‌സ്പോട്ട് ടെതറിംഗ് 50GB ആയും വർദ്ധിപ്പിച്ചിട്ടുണ്ട്. ഇതിനുപുറമെ ലോകമെമ്പാടുമുള്ള 200-ലധികം സ്ഥലങ്ങളിൽ അന്താരാഷ്ട്ര ഡാറ്റാ സേവനവും ഇതിലൂടെ ലഭ്യമാകും.

ടാബ്‌ലെറ്റുകൾക്കും ലാപ്‌ടോപ്പുകൾക്കുമുള്ള കണക്റ്റിവിറ്റിക്കൊപ്പം 100GB ഗൂഗിൾ വൺ സ്റ്റോറേജും ആറുമാസത്തെ സൗജന്യ യൂട്യൂബ് പ്രീമിയവും ഈ പ്ലാനുകളുടെ ഭാഗമായി ലഭിക്കുന്നു. നിലവിലെ പ്രത്യേക പ്രൊമോഷന്റെ ഭാഗമായി ‘അൺലിമിറ്റഡ് എസൻഷ്യൽസ്’ പ്ലാനിന് മാസം $9 ആണ് നിരക്ക്.

അതേസമയം ‘അൺലിമിറ്റഡ് സ്റ്റാൻഡേർഡിന്’ മാസം $13 ഉം, ‘അൺലിമിറ്റഡ് പ്രീമിയത്തിന്’ മാസം $17 ഉം ആയിരിക്കും നിരക്ക് വരിക. ദീർഘകാല വാർഷിക കരാറുകൾ ഒന്നും തന്നെ ഇല്ലാത്തതിനാൽ ഉപയോക്താക്കൾക്ക് എപ്പോൾ വേണമെങ്കിലും Google Fi സേവനം അവസാനിപ്പിക്കാം എന്നതാണ് ഇതിന്റെ പ്രധാന മെച്ചം.

എന്നാൽ ഈ പ്രത്യേക ഓഫർ നിരക്കുകൾ ഒരു വർഷത്തേക്ക് മാത്രമായിരിക്കും ലഭ്യമാകുക. അതിനുശേഷം ഉപയോക്താക്കൾ സാധാരണ നിരക്കുകൾ നൽകേണ്ടി വരും.

ഈ ആനുകൂല്യം ലഭിക്കുന്നതിനായുള്ള അവസാന തീയതി സെപ്റ്റംബർ 29, 2026 ആണ്. ആൻഡ്രോയിഡ് ഉപയോക്താക്കളെ ലക്ഷ്യമിട്ടുള്ള വിപുലമായ കവറേജും സവിശേഷതകളുമുള്ള പ്രീപെയ്ഡ് ഫോൺ കാരിയറാണ് Google Fi.

ഒന്നിലധികം ലൈനുകൾ എടുക്കുമ്പോൾ മത്സരക്ഷമമായ നിരക്കിൽ മികച്ച അന്താരാഷ്ട്ര റോമിംഗ് ഫീച്ചർ നൽകി ഇത് വിപണിയിൽ വേറിട്ടുനിൽക്കുന്നു. നഗരങ്ങളിലും ഗ്രാമങ്ങളിലും ശക്തമായ 5G, വൈഫൈ കവറേജ് ഉറപ്പാക്കുന്നതിനായി ഒന്നിലധികം സെൽ നെറ്റ്‌വർക്കുകളാണ് Google Fi ഉപയോഗിക്കുന്നത്.