ബെംഗളൂരു നഗരത്തിലെ ഒരു തടാകത്തിൽ ഉപേക്ഷിക്കപ്പെട്ട നിലയിൽ കണ്ടെത്തിയ സ്യൂട്ട്കെയ്സിനുള്ളിൽ സ്ത്രീയുടെ മൃതദേഹം കണ്ടെത്തി.
എന്നാൽ മൃതദേഹം ഇതുവരെ ആരുടേതാണെന്ന് തിരിച്ചറിയാൻ സാധിച്ചിട്ടില്ലെന്ന് അധികൃതർ വ്യക്തമാക്കി. സംഭവത്തെക്കുറിച്ച് പൊലീസ് നൽകുന്ന വിവരങ്ങൾ ഇങ്ങനെ: ചൊവ്വാഴ്ച രാവിലെ തടാകത്തിൽ അസാധാരണമായ രീതിയിൽ ഒരു വലിയ സ്യൂട്ട്കെയ്സ് പൊങ്ങിക്കിടക്കുന്നത് ശ്രദ്ധയിൽപ്പെട്ട
നാട്ടുകാരാണ് ഉടൻ തന്നെ പൊലീസിൽ വിവരമറിയിച്ചത്. തുടർന്ന് സ്ഥലത്തെത്തിയ ഉദ്യോഗസ്ഥർ സ്യൂട്ട്കെയ്സ് കരയ്ക്കെത്തിച്ച് പരിശോധന നടത്തുകയായിരുന്നു.
ഇത് തുറന്നപ്പോൾ സാരിയിൽ പൊതിഞ്ഞ നിലയിലുള്ള മൃതദേഹമാണ് കാണാൻ കഴിഞ്ഞത്. മൃതദേഹത്തിന്റെ ഒരു ഭാഗം സ്യൂട്ട്കെയ്സിന് അകത്തുനിന്നും പുറത്തേക്ക് തള്ളിനിൽക്കുന്ന അവസ്ഥയിലായിരുന്നുവെന്നും പൊലീസ് കൂട്ടിച്ചേർത്തു.
സംഭവത്തിൽ സമഗ്രമായ അന്വേഷണം ആരംഭിച്ചിട്ടുണ്ട്.
