സ്മാർട്ട്ഫോൺ ലോകത്ത് വലിയ ചർച്ചയായി മാറിയിരിക്കുന്ന പുതിയ ഗൂഗിൾ പിക്സൽ 11 പ്രോയുടെ പ്രധാന ആകർഷണങ്ങളിൽ ഒന്നാണ് ഹൈലൈറ്റ് നോട്ടിഫിക്കേഷൻ സിസ്റ്റം. ഫോണിന്റെ പിന്നിലെ ആർ.ജി.ബി എൽ.ഇ.ഡി (RGB LED) ലൈറ്റാണ് ഇതിലെ ഏറ്റവും ശ്രദ്ധേയമായ കൂട്ടിച്ചേർക്കൽ.
ഫോൺ മേശപ്പുറത്ത് കമിഴ്ത്തിവെക്കുമ്പോൾ നോട്ടിഫിക്കേഷനുകൾ നഷ്ടപ്പെടുന്നുണ്ടോ എന്ന ആശങ്ക ഒഴിവാക്കാൻ ഈ ഫീച്ചർ സഹായിക്കുമെന്നാണ് തുടക്കത്തിൽ കരുതിയിരുന്നത്. എന്നാൽ ഹൈലൈറ്റ് ഫീച്ചർ കൗതുകകരമാണെങ്കിലും, അതിന്റെ വെളിച്ചം വളരെ മങ്ങിയതാണ് എന്നൊരു പോരായ്മയുണ്ട്.
ശ്രദ്ധ ആകർഷിക്കാൻ മാത്രം തിളക്കം അതിനില്ല. ഇതിനേക്കാൾ മികച്ച ഒരു സംവിധാനം പിക്സൽ 11 പ്രോയിൽ ഇതിനടകം ലഭ്യമാണ്; അത് ക്യാമറ ഫ്ലാഷ് നോട്ടിഫിക്കേഷൻ ലൈറ്റായി ഉപയോഗിക്കുക എന്നതാണ്.
ഇതൊരു അത്യാധുനിക സങ്കേതമൊന്നുമല്ല. പഴഞ്ചൻ ഫോണുകൾ മുതൽ നിലവിലുള്ളതാണ് ഈ ഫീച്ചർ.
ഇതിൽ നിറങ്ങളോ വ്യത്യസ്തമായ അനിമേഷൻ പാറ്റേണുകളോ കോൺടാക്റ്റ് അടിസ്ഥാനമാക്കിയുള്ള പ്രത്യേകതകളോ ഒന്നുമില്ല. എങ്കിലും അത് കാര്യമായ പ്രശ്നമല്ല.
നോട്ടിഫിക്കേഷൻ വരുമ്പോൾ പിന്നിലെ എൽ.ഇ.ഡി ഫ്ലാഷ് മിന്നുന്നത് എനിക്ക് കൃത്യമായി കാണാൻ സാധിക്കുന്നുണ്ട്. മേശപ്പുറത്ത് ഇരിക്കുമ്പോഴും മുറിയുടെ അങ്ങേ അറ്റത്തുനിന്നു നോക്കുമ്പോഴും ഇത് വ്യക്തമായി കാണാം.
ഹൈലൈറ്റ് എൽ.ഇ.ഡി ലൈറ്റിന് ഈ ഒരു സാധുതയില്ല. ഈ ഫീച്ചർ സെറ്റപ്പ് ചെയ്യുന്നത് വളരെ ലളിതമാണ്.
സെറ്റിങ്സിൽ പ്രവേശിച്ച് നോട്ടിഫിക്കേഷൻസ് തെരഞ്ഞെടുത്ത ശേഷം ഫ്ലാഷ് നോട്ടിഫിക്കേഷൻസ് ഓപ്ഷൻ എനേബിൾ ചെയ്യാം. ക്യാമറ ഫ്ലാഷ്, സ്ക്രീൻ ഫ്ലാഷ് അല്ലെങ്കിൽ രണ്ടും ഒരുമിച്ച് വേണമെങ്കിലും ഇതിൽ നിന്നും തെരഞ്ഞെടുക്കാം.
ക്യാമറ ഫ്ലാഷ് ഓപ്ഷൻ വഴിയോ അല്ലെങ്കിൽ തെളിച്ചമുള്ള മഞ്ഞ നിറത്തിലുള്ള സ്ക്രീൻ ഫ്ലാഷ് വഴിയോ സന്ദേശങ്ങൾ അറിയാൻ സാധിക്കും. ഗൂഗിൾ പിക്സൽ 11 പ്രോ, പ്രോ എക്സ്.എൽ (Pro XL), പ്രോ ഫോൾഡ് (Pro Fold) എന്നിവയുടെ ക്യാമറ ബാറിലാണ് ഹൈലൈറ്റും ക്യാമറ ഫ്ലാഷും നൽകിയിരിക്കുന്നത്.
പ്രിയപ്പെട്ട കോൺടാക്റ്റുകളിൽ നിന്നുള്ള കോളുകൾക്കും ജെമിനി (Gemini) ആയുള്ള ഇടപെടലുകൾക്കുമായാണ് ഗൂഗിൾ ഹൈലൈറ്റ് രൂപകൽപ്പന ചെയ്തിട്ടുള്ളത്.
ക്യാമറ ഫ്ലാഷ് അത്ര സ്മാർട്ടല്ലെങ്കിലും, അതുകൊണ്ടാണ് താൻ അതിനെ കൂടുതൽ ഇഷ്ടപ്പെടുന്നത്. പ്രത്യേക കോൺടാക്റ്റുകൾക്കായി നിറങ്ങൾ ക്രമീകരിക്കേണ്ട
ആവശ്യം ഇതിലില്ല. ഫ്ലാഷ് മിന്നിയാൽ ഒരേ ഒരു അർത്ഥമേയുള്ളൂ, എനിക്ക് ഒരു നോട്ടിഫിക്കേഷൻ വന്നിട്ടുണ്ട്.
ദിവസേന നിരവധ കോടുകളും സന്ദേശങ്ങളും ഇമെയിലുകളും ലഭിക്കുന്നതിനാൽ ഫോൺ സൈലന്റ് മോഡിലാണ് സൂക്ഷിക്കാറുള്ളത്. അതുപോലെ ഫോൺ മലർത്തിവെച്ചാൽ സന്ദേശങ്ങൾ നോക്കാൻ തോന്നുന്നതിനാൽ ഉൽപ്പാദനക്ഷമതയെ ബാധിക്കും.
അതിനാൽ ഫ്ലാഷ് മിന്നുന്നത് അനാവശ്യ ശല്യങ്ങൾ ഇല്ലാതെ തന്നെ കാര്യങ്ങൾ ശ്രദ്ധിക്കാൻ സഹായിക്കുന്നു. തൊഴിലിടങ്ങളിൽ ഈ സംവിധാനം വലിയ സഹായകരമാണ്.
ദിവസവും 8 മുതൽ 10 മണിക്കൂർ വരെ ഡെസ്കിൽ ചെലവഴിക്കുമ്പോൾ ഫോൺ അടുത്തേക്ക് എടുക്കാതെ തന്നെ ഫ്ലാഷ് ലൈറ്റ് വഴി വിവരങ്ങൾ അറിയാൻ സാധിക്കുന്നു. എഴുത്തുപോലുള്ള ഗൗരവകരമായ ജോലികളിൽ മുഴുകിയിരിക്കുമ്പോൾ ഇത് ഏറെ ഉപകാരപ്പെടുന്നുണ്ട്.
ഹൈലൈറ്റിനെ അപേക്ഷിച്ച് ക്യാമറ ഫ്ലാഷ് വളരെ വ്യക്തമായി കാണാൻ കഴിയുമെന്നതാണ് ഇതിന്റെ പ്രധാന മേന്മ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
