ഇറാൻ-അമേരിക്ക സംഘർഷം ഒമ്പതാം ദിവസവും അതീവ ഗുരുതരമായി തുടരുന്നു. ഇറാന്റെ ആണവ കേന്ദ്രങ്ങളെ ലക്ഷ്യമാക്കി അമേരിക്ക നടത്തിയ ആക്രമണത്തിന് മറുപടിയായി, ജോർദാനിലെ അമേരിക്കൻ എയർക്രാഫ്റ്റിന് നേരെ ഇറാൻ തിരിച്ചടി നൽകി.
ഈ ആക്രമണത്തിൽ ഒരു അമേരിക്കൻ സൈനികൻ കൂടി കൊല്ലപ്പെട്ടതോടെ, സംഘർഷത്തിൽ ജീവൻ നഷ്ടപ്പെട്ട അമേരിക്കൻ സൈനികരുടെ എണ്ണം മൂന്നായി ഉയർന്നു.
ഫെബ്രുവരിയിൽ ആരംഭിച്ച യുദ്ധത്തിൽ ഇതുവരെ 17 അമേരിക്കൻ സൈനികർക്കാണ് ജീവൻ നഷ്ടമായത്. ഹോർമുസ് കടലിടുക്കിൽ സംഘർഷം വ്യാപിക്കുകയാണ്.
രണ്ട് എണ്ണ ടാങ്കറുകൾക്ക് നേരെ ആക്രമണമുണ്ടായതായി ഇസ്ലാമിക് റവല്യൂഷനറി ഗാർഡ് കോർ (ഐആർജിസി) സ്ഥിരീകരിച്ചു. കുവൈത്തിലും സൗദി അറേബ്യയിലും ഇറാൻ ആക്രമണം നടത്താൻ ശ്രമിച്ചതായും റിപ്പോർട്ടുകളുണ്ട്.
ഈ സാഹചര്യത്തിൽ ആഗോള ക്രൂഡോയിൽ വിപണിയിൽ വലിയ വിലക്കയറ്റമാണ് രേഖപ്പെടുത്തിയിരിക്കുന്നത്. ബ്രെന്റ് ക്രൂഡ് വില 2.57 ശതമാനം ഉയർന്ന് 90.36 ഡോളറിലെത്തി.
ഡബ്ല്യുടിഐ ക്രൂഡ് വില 2.36 ശതമാനം വർധിച്ച് 84.44 ഡോളറിലുമെത്തി. ക്രൂഡോയിൽ വിലയിലെ ഈ കുതിപ്പ് ഇന്ത്യ ഉൾപ്പെടെയുള്ള രാജ്യങ്ങളുടെ സമ്പദ്വ്യവസ്ഥയ്ക്ക് കനത്ത വെല്ലുവിളിയാണ് ഉയർത്തുന്നത്.
ഇന്ധന ഇറക്കുമതിക്കായി ആശ്രയിക്കുന്ന ഇന്ത്യയിൽ പെട്രോൾ, ഡീസൽ, എൽപിജി വിലകൾ ഇനിയും ഉയരാൻ സാധ്യതയുണ്ട്. പണപ്പെരുപ്പം നിയന്ത്രിക്കാൻ റിസർവ് ബാങ്ക് അടിസ്ഥാന പലിശനിരക്കുകൾ ഉയർത്താൻ നിർബന്ധിതരാകുമെന്നും, ഇത് ബാങ്ക് വായ്പയെടുത്ത സാധാരണക്കാരെ പ്രതികൂലമായി ബാധിക്കുമെന്നും സാമ്പത്തിക വിദഗ്ധർ ചൂണ്ടിക്കാട്ടുന്നു.
സ്വർണവിപണിയെ സംബന്ധിച്ചിടത്തോളം, നിലവിൽ ഔൺസിന് 4025 ഡോളറിലാണ് വ്യാപാരം നടക്കുന്നത്. എണ്ണവിലയിലെ വർധനയും പണപ്പെരുപ്പ ഭീഷണിയും സ്വർണവിലയെ താഴേക്ക് എത്തിക്കുമെന്ന വിലയിരുത്തലുകൾ ശക്തമാണ്.
വരും ദിവസങ്ങളിൽ സ്വർണവില 3950 ഡോളറിലേക്ക് താഴാൻ സാധ്യതയുണ്ടെന്ന് വിപണി നിരീക്ഷകർ അഭിപ്രായപ്പെടുന്നു. യുദ്ധസാഹചര്യവും എണ്ണവിലയിലെ പ്രതിസന്ധിയും ഇന്ത്യൻ ഓഹരി വിപണിയെയും ബാധിച്ചേക്കും.
ഗിഫ്റ്റ് നിഫ്റ്റിയിൽ നേരിയ തളർച്ച പ്രകടമാണ്. അതേസമയം, ആഗോള വിപണികളിലും സമ്മിശ്ര പ്രതികരണമാണ് കാണുന്നത്.
അമേരിക്കൻ ഫ്യൂച്ചേഴ്സ് വിപണിയിൽ എസ് ആൻഡ് പി 500, ഡൗ, നാസ്ഡാക് സൂചികകൾ 0.2 ശതമാനം വരെ താഴ്ന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
