ജയ്പൂരിലെ സവായ് മാൻസിംഗ് സ്റ്റേഡിയത്തിൽ നടക്കുന്ന ഐപിഎൽ മത്സരത്തിൽ ലക്നൗ സൂപ്പർ ജയന്റ്സിനെതിരെ രാജസ്ഥാൻ റോയൽസിന് 221 റൺസിന്റെ വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ലക്നൗ നിശ്ചിത 20 ഓവറിൽ 5 വിക്കറ്റ് നഷ്ടത്തിലാണ് 220 റൺസ് അടിച്ചുകൂട്ടിയത്.
ഓപ്പണർമാരായ മിച്ചൽ മാർഷ് (57 പന്തിൽ 96), ജോഷ് ഇംഗ്ലിസ് (29 പന്തിൽ 60) എന്നിവരുടെ തകർപ്പൻ പ്രകടനം ലക്നൗവിന് മികച്ച തുടക്കം നൽകി. പവർപ്ലേയിൽ തന്നെ ആധിപത്യം പുലർത്തിയ ഇവർ ആറോവറിൽ ടീമിനെ വിക്കറ്റ് നഷ്ടമില്ലാതെ 83 റൺസിലെത്തിച്ചു.
ഒന്നാം വിക്കറ്റിൽ ഇരുവരും ചേർന്ന് 109 റൺസാണ് കൂട്ടിച്ചേർത്തത്. ഒമ്പതാം ഓവറിൽ യാഷ് രാജ് പുഞ്ജയാണ് ജോഷ് ഇംഗ്ലിസിനെ പുറത്താക്കിയത്.
തുടർന്ന് വന്ന നിക്കോളാസ് പുരാൻ 11 പന്തിൽ 16 റൺസെടുത്ത് പുറത്തായി. 13-ാം ഓവറിൽ ടീം സ്കോർ 150 കടന്നപ്പോൾ പുരാന്റെ വിക്കറ്റും യാഷ് രാജ് പുഞ്ജ സ്വന്തമാക്കി.
ക്യാപ്റ്റൻ റിഷഭ് പന്തിന്റെ വെടിക്കെട്ട് പ്രകടനം ലക്നൗവിന് അവസാന ഓവറുകളിൽ കരുത്തായി. 18-ാം ഓവറിൽ ടീം സ്കോർ 200 കടന്നു.
ജോഫ്ര ആർച്ചർ എറിഞ്ഞ അവസാന ഓവറിൽ റിഷഭ് പന്ത് (23 പന്തിൽ 35) റണ്ണൗട്ടായി. അവസാന ഓവറിലെ അവസാന പന്തുകളിൽ മിച്ചൽ മാർഷ് റണ്ണൗട്ടാവുകയും ആയുഷ് ബദോനി ബൗൾഡ് ആകുകയും ചെയ്തു.
**ലക്നൗ പ്ലേയിംഗ് ഇലവൻ:** മിച്ചൽ മാർഷ്, ജോഷ് ഇംഗ്ലിസ്, നിക്കോളാസ് പുരാൻ, റിഷഭ് പന്ത് (വിക്കറ്റ് കീപ്പർ/ക്യാപ്റ്റൻ), ആയുഷ് ബദോനി, അബ്ദുൾ സമദ്, ഷഹ്ബാസ് അഹമ്മദ്, മൊഹ്സീൻ ഖാൻ, മായങ്ക് യാദവ്, ആകാശ് മഹാരാജ് സിംഗ്, പ്രിൻസ് യാദവ്. **രാജസ്ഥാൻ റോയൽസ് ഇലവൻ:** യശസ്വി ജയ്സ്വാൾ (ക്യാപ്റ്റൻ), ലുയാൻ-ഡ്രെ പ്രിറ്റോറിയസ്, ധ്രുവ് ജൂരെൽ (വിക്കറ്റ് കീപ്പർ), ഡൊണോവൻ ഫെരേര, ശുഭം ദുബേ, ദാസുൻ ശനക, ജോഫ്ര ആർച്ചർ, സുശാന്ത് മിശ്ര, സന്ദീപ് ശർമ്മ, ബ്രിജേഷ് ശർമ്മ, യാഷ് രാജ് പുഞ്ജ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
