പ്രമുഖ താരം ശ്രീനാഥ് ഭാസി നായകനാകുന്ന പുതിയ ചലച്ചിത്രം ‘ഒറിജിനൽ’ റിലീസിനുള്ള അന്തിമ ഘട്ടത്തിലേക്ക് കടന്നു. ചിത്രത്തിന്റെ സെൻസറിങ് നടപടികൾ പൂർത്തിയായതായും സെൻസർ ബോർഡ് ചിത്രത്തിന് യു/എ സർട്ടിഫിക്കറ്റ് ആണ് അനുവദിച്ചിരിക്കുന്നതായും അണിയറപ്രവർത്തകർ അറിയിച്ചു.
സംവിധായകൻ റമീസ് രചനയും സംവിധാനവും നിർവഹിച്ചിരിക്കുന്ന ഈ ചിത്രം വരുന്ന ഒക്ടോബർ 23ന് തിയേറ്ററുകളിൽ പ്രദർശനത്തിനെത്തും. മാസ് മീഡിയ, സിക്കു ഫിലിംസ് എന്നീ ബാനറുകളുടെ പിന്തുണയോടെ നിർമ്മിക്കുന്ന ഈ ചിത്രത്തിന്റെ സഹനിർമ്മാണം നിർവഹിച്ചിരിക്കുന്നത് ഹർഷാദ് ആണ്.
ഇലക്ട്രോണിക് കിളിയാണ് സിനിമയ്ക്കായി സംഗീതം ഒരുക്കിയിരിക്കുന്നത്. ടൈം ട്രാവൽ, ഫാന്റസി, കോമഡി, ത്രില്ലർ, വൈകാരിക മുഹൂർത്തങ്ങൾ എന്നിവ ഒരേസമയം കോർത്തിണക്കിയാണ് ‘ഒറിജിനൽ’ ഒരുക്കിയിട്ടുള്ളത്.
സമയത്തിന്റെ ഗതിമാറ്റം തീർക്കുന്ന അപ്രതീക്ഷിത സംഭവവികാസങ്ങളെയാണ് ചിത്രം പ്രേക്ഷകർക്ക് മുന്നിൽ അവതരിപ്പിക്കുന്നത്. “ഒറിജിനൽ” എന്ന സങ്കൽപ്പത്തെത്തന്നെ ചോദ്യം ചെയ്യുന്ന വ്യത്യസ്തമായ ആഖ്യാനശൈലിയാണ് ചിത്രത്തിന്റെ പ്രധാന പ്രത്യേകത.
ചിത്രത്തിൽ വലിയൊരു താരനിരയാണ് അണിനിരക്കുന്നത്. ശ്രീനാഥ് ഭാസിക്ക് പുറമെ അഭിരാം രാധാകൃഷ്ണൻ, രാജേഷ് മാധവൻ, സാഫ് ബോയ്, ബിനു പപ്പു, ഫെമിന ജോർജ്, ശ്രീകാന്ത് വെട്ടിയാർ, ഗോകുലൻ, അനീഷ് ജി, സലീം ഹസൻ, ദിനേശ് പ്രഭാകർ, രാജേഷ് പറവൂർ, ഷമീർ (ചൂരൽ), സുബിൻ ടാർസൻ, അരുൺ പ്രദീപ്, ലാല മലപ്പുറം, സ്റ്റിനി ഫ്രാൻസിസ്, ഹാരിസ് സലീം, വിരു വിവേക് തുടങ്ങിയ പ്രമുഖരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.
ചിത്രത്തിന്റെ സാങ്കേതിക വിഭാഗവും ഏറെ ശ്രദ്ധേയമാണ്. ഷഫീഖ് മുഹമ്മദ് അലി ചിത്രസംയോജനവും ഫഹദ് ഫത്‌ലി ഛായാഗ്രഹണവും നിർവഹിക്കുന്നു.
കലാസംവിധാനം കൈകാര്യം ചെയ്യുന്നത് അർഷാദ് നാക്കോത്ത്, രജീഷ് കെ. സൂര്യ എന്നിവരാണ്.
വിഷ്വൽ എഫക്റ്റ്സ് ഒരുക്കുന്നത് മൈൻഡ്സ്റ്റൈൻ സ്റ്റുഡിയോസ് ആണ്. അഷ്റ മുഹമ്മദ് എക്സിക്യൂട്ടീവ് പ്രൊഡ്യൂസറായും കാസ്റ്റിങ് ഡയറക്ടറായും പ്രവർത്തിക്കുന്നു.
സച്ചിൻ സുധാകരൻ, ഹരിഹരൻ എം (സിങ്ക് സിനിമ) എന്നിവർ ചേർന്നാണ് സൗണ്ട് ഡിസൈൻ കൈകാര്യം ചെയ്തിരിക്കുന്നത്. മേക്കപ്പ് റൊണെക്സ് സേവ്യറും വസ്ത്രാലങ്കാരം സമീറ സനീശും നിർവഹിക്കുന്നു.
ആക്ഷൻ കൊറിയോഗ്രഫി പി.സി. സ്റ്റണ്ട്സ് ആണ്.
ചിത്രത്തിന്റെ കോൺസെപ്റ്റ് വികസിപ്പിച്ചിരിക്കുന്നത് ജിപിൻ ഗോപിയാണ്. പ്രൊഡക്ഷൻ കൺട്രോളർ ജാവേദ് ചെമ്പ്.
നൃത്തസംവിധാനം ജിഷ്ണു, ശ്രീജിത്ത് പി. ഡി.ഐ നിർവഹിച്ചിരിക്കുന്നത് ശ്രീക് വാര്യർ ആണ്.
ചിത്രത്തിലെ ഗാനങ്ങൾക്ക് വരികൾ എഴുതിയിരിക്കുന്നത് മുത്തു, റമീസ്, റിഷ് എൻ.കെ എന്നിവർ ചേർന്നാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
